الله يسعد أيامك ياعسل أنت ياشيخة البنات وتراني أنا بعد مو من الشرقيه ولاني ساكنة فيها بس خال زوجي وخالته ساكنين هناك وبنروح لهم زيارة إن شاء الله أنا في منطقة تبوك شمال المملكه وإذا حنانوينا زياره لشرقيه هم بعد بنزور البحرين
نفسي من زمان أروح البحرين نتمشى فيها بس زوجي دوامه تعب وإجازاته مايعطونه إلا بتعب بس الحمدالله هانت باقي له سنتين ويقدم تقاعد وهو واعدنا إنه يلف فينا كل الخليج بداية بالبحرين إن شاء الله بس هم لو رحتي زياره لشرقيه قولي لنا ترى العزيمه ضروري تجين لها وحياك الله من مقفاك لملفاك حنا كم عندنا شيخة بنات الله يخليها لنا ويحفظها لشبابها ويوفقها في حياتهاأقول شكل صابره من لقى أحبابه نسى أصحابه شكلها طايحه حب وغزل مع أبو الشباب أنا أمس لاحظت ردودها قصيره
في الموضوع الله يسعدها ويهنيها والفضل يرجع لك ياشيخة بعد الله أنا حسيت دخلتك دخلت خير علينا وأنت ماشاء الله عليك عندك أسلوب حلو وجذاب وبنفس الوقت مقنع في ردودك وأنا متأكده إن أنت فاهمه صابره أكثر وأقرب منا بدليل إن مشاركاتك جديده لاكن قدرتي تقنعينها بكثير أشياء
وحسيت إن نفسيتها صارت أحسن وإنها تحسنت وطلعت من الجو إللي كانت عايشه فيه والحمدالله هاذا أثلج صدورنا
وفرحنا الله يريح بالها ويسعدها أما أنتي ياشيخة البنات أسأل الله أن يسعدك وإذا كنت متزوجه الله يرزقك العيال الصالحين وإذا باقي ماتزوجتي
الله يرزقك الزوج الصالح إللي يسعدك ويهنيك في حياتك أنت إنسانه طيبه وحبوبه وكلامك بلسم لجروح راعي المشكله الله يجزاك خيروالله إني أنبسط وأفرح يوم أشوف صابره فرحانه ورايقه وأنا إللي يحب صابره أحبه وأعتبره في معزة صابره وغلاتها وأنت بعد ياشيخة مو تغاري من صابره
أنتم كلكم أخواتي وحبيباتي ونور عيني ومالي عنكم غناة
الله يحفظكم ويخليكم ويجمعني فيكم أنتم وبعض الأحبه هنافي هاذا المنتدى الغالي
يجمعنا في جنات النعيم إن شاء الله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله