السلام عليكم ورحمة الله وبركاته

كيف حالكم جميعا يا بنات

انا محرجة من كثرة ما انا كل ما ادخل اقول لكم ادعولى انا تعبانة لكن


والله الذى لا اله غيره انا بقالى اكثر من اسبوعين عندى دور برد فى عظامى وحرارة فوق الاربعين وكحة شديدة والاخيرة هذه تسببت لى فى طلق مبكر

واتنومت فى المستشفى اخر مهدئ للطلق واضبط السكر لان ادوية البرد رفعته لفوق ال300

الحمد لله على كل حال

والله ما كنت ادرى شيئ عن بنتى ولا عن الدنيا الا اوقات كنت بافوق فيها قليلة لما الحرارة تنزل واول حاجة اعملها ادخل بجوالى اطمن على اخباركم وادعى لكم بظهر الغيب وانا مريضة

ربى يفرج كرب كل مكروبة يارب

الحمد لله انا فى بيتى الان وعدت على خير لسه بس الكحة على خفيف وانسداد فى انفى من البرد لكن الحمد لله انا كنت فين واصبحت فين

موعدى اخر متابعة ان شاء الله يوم 13-1

والدكتورة حددت لى موعد من المرة الى فاتت يوم 19 للولادة القيصرى ان شاء الله

بالله عليكم ادعولى كتير ربنا يهون على الايام الى باقية

وحبيباتى الى ولدوا ببنج نصفى ياريت ينصحونى اخده والا اخلينى فى الكلى زى كل عملية عملتها قبل كدا وزى ولادتى السابقة؟

بحبكم والله مش ناسياكم ابدا ابدا

__________________