السلام عليكم ورحمه الله وبركاته


كيف حالكم يا احلى ناس

ما احب المقدمات بدخل الموضوع على طووول


انا شخص تعباان نفسيا بسبب خطوه صارت في حياااتي وانحست من بعدها



انا انسان عاقل ولله الحمد منيب راعي بنات ولا هبال ولا طلعااات ولا استراحات

رحلاتي كلها مع اهلي واقاربي

المهم انو لي سنه الان من بدايه قصتي

انا فكره الزواج كانت تدور ببالي من صغري وانا مفضل الزواج المبكر ومن مؤيدي الزواج المبكر


كانت ببالي بنت واتمناها تكون زوجه لي ومرتاح لها بشكل غير طبيعي


حبيت اني اتقرب لها بالمسن ووالبريد حاول حاول بس محاولاتي كلها باتت بالفشل لانو البنت رافضه جدا


ومن هنا وهناك وتفاصيل كثيره

دامت شهرين او اقل

وفي الاخير اضافتني وكانت تهدد وتهوش انا سحبت الغضب وبديت اتكلم معها واعلمها اللي بخاطري حبه حبه


وكانت نيتي اسئلها هل هي مرتبطه ام لا وانا ابي اتقدم لها


المهم كلمت اهلي عليها وطبعا تعرفون السيناريوا

ما يصلح انت توك ما يكفي الراتب وش نقول لهم اذا دقينا عليهم




تعلقت انا بالبنت ووهي نفس الشي وخطبتها بالتلفون



وكانت رافضه المكالمات بيننا وما تبي تقول ما يجوز وانا مو راعيه هالحركات وانا ادري انها كذا وانا نفس الشي





وكل فتره تقول خلاص لا تدق انا مرتاحه لك بس ما يجوز وكملنا تقريبا 10 شهور



وحست هي انو اهلي ما يبونها وانا اشوف انو لا اهلي يبونها بس وضعي ما يسمح انو يتكلم في زواج




وكان شغلنا الشاغل هالموضوع


انا ما مسكت الكلام وقلت لاختي مع العلم انها كانت محرصتني اني ما اقول لاي انساان انا قلت لاختي وبعد فتره قلت لامي وكانت صاعقه لها ليه قلت لامك كنت احسبه بيساعدني صار تقريبا ضدي وكانت صادق البنت وجت بيننا مشاكل وامي من النوع اليسر والفاهمه مو النوع العسر



انا طبعا غلطان انو قلت لكن كنت احسبه عون صار فرعون طبعا طلعت من وظيفتي السابقه ورحت لم وظيفه افضل وجلست تقريبا شهرين وزياده ثمن انتقلت الى وظيفه وبراتب ممتاز على شهادتي فوق العشره الاف
لكن تعااقد وتقدمت رسمي وخطبت راحوا اهلي لهم وخطبوها لي

الوالد رافض اني اتزوج مبكر انا ماادري وش السبب ويتطنز علي اذا ذكرت الموضوع مع العلم انا عقلي متزن وكلن يشهد برجولتي وعقليتي وتنظيمي للحيات استغرب من رد الوالد احس انو انا ناقص الوالد يتحجج لو ما صار لك ترسيم في هذي الوظيفه وكل ما تكلمت يتطنز علي انا مليت وانا ما ابي الحرام يكفي انا منقطع عن البنت تقريبا شهرين اللي تكمل السنه انا احس اني رجل تعيس قبل كنت نشط وحرك الان انسااان مهمووووم ومنشغل وعلى طووول افكر واتعبني التفكير وصرت مره بيتوتي وفقدوني كثير من عيال عمي لدرحه انو طلع فيني شيب بسيط وتوني صغير وجسديا ولله الحمد ما علي قااصر وانا مو غرضي من الزواج انو ابي جنس مستحيل بس مليت من العزوبيه واصلن ما احب العزوبيه قبل لا اعرف البنت

الحين انا في حيره وتعباان نفسيا وعيوني صارت سودا
ولله الحمد انا من المصلين والحريصين على الصلاه الان قبل كنت ما افوت فرض بس اتاخر اصلي في البيت اجمع الحين الحمد لله
كل فرض في المسجد واتسنن وكل شي الحمد لله انا تعبااان جد تعباان الحين البنت يتقدمون لها خطاب باخبااار جتني والبنت نفسي تعباانه بس ما تبي تكلمني يعني التواصل يهون علي وعليها بس هي ما تبي وانا بيني وبينكم كنت رافض فكرتها بسبب تعب نفسيتي بس معها حق واقتنعت بها
لكن انا الحين تعباااان كيف ابي اقدر اقنع الوالد تقريبا معي الان 35 الف مجمعها من رواتبي السابقه انا ابي اتملك الحين وبعد تقريبا 6 شهور الى 8 شهور وممكن اقل من كذا الزواج


بس مين يقنع الوالد هل هذي من ضعف شخصيتي لانو انا حبيب جدا جدا جدا انا ما امدح نفسي بس ابي اعلمكم على شان اخذ الشور تعباان احس ابوي ما يبي يزوجني
كان يقول لاخوي اجمع ليه ما تجمع انت ما تفهم انت مو رجال انت وانت وانت الى متى عمرك 28 ليه ما بعد تزوجت ... الخ

وانا االان جامع واذا دخلت الفلوس في حسااب التوفير يقولي ليه تجمع ليه تدخل جمعيه انت راتبك شوي وتدخل جمعيه يعني تناقض بيني وبين اخوي غريب الوالد
وهذا الوالد في عيني وفوق راسي وما اقدر اسوي شي ولا ابي يكون زواجي بدون اقتناع يعني غصب لانو بيرجع هذا علي لانو انا احب جمعات اهلي واتوقع بكون معهم في بعض الاحيان ولا ابي انحرم منها



افيييييييدوني انا تعباااان مره مره مره نفسيا واللي يبي يسئلني عن اي شي انا حاااظر



وشكرا