المشاركة الأصلية كتبت بواسطة دمعي منهمر

السلام عليكم
هذي أول مشاركة لي بمنتداكم اللي شفت انه يحل كثير من المشاكل لكن اتمنى تردو علي بسرعة لأن المغرب بينحسم الأمر ..
كان عمري 17 سنه وحدثت مشكلة كبيرة بين أمي و أبوي وانهارت نفسيتي ووداني ابوي وامي لمستشفى النفسية وجلست جلسة وحده مع الدكتور وطلعت من بعدها ماعاد راجعت المستشفى وبعد 3 سنوات تزوجت ورزقت ببنتين الأولى 6 سنوات والثانية 3 سنوات وبعد عشرة 5 سنوات طلقني لعدم تفاهمنا وسيطرت أهلة عليه وتزوج مباشره وأخذ بناتي 10 شهور كانت أشوفهم ساعتين فقط في الأسبوع وخالهم هو اللي يجيبهم ويردهم لأنه متسلط وصاحب مشاكل وأحنا في غنى عن مشاكلة لهذا مشينا الوضع معه مع أن قلبي ينحرق على بناتي ولكن زاد تحكمه وأخوي مارضى يوصلها لهدرجه وأخذ البنات وجابهم عندي وقال مافي الا المحكمه اذا كنت تطلب زيارة ورفض ينفق عليهم وبعد شهرين راح المحكمة وقدم دعوى مضمونها طلب حضانه لأني مريضة نفسياً وأراجع المستشفى وجاب معه وصفة انه هو وداني المستشفى وأنا يعلم الله انا مرة واحده كانت عرضية قبل زواجي ..
وكلت وأبوي عني في القضية وكان حكم القاضي اصلاحي بعد 5 شهور من عدم النفقة ويفيد الحكم أن يومين عند أبوهم ينامو و10 أيام في العطلة الكبيرة وأول يومين في العيد عنده ..
وش رايكم في هذا الحكم كونه متزوج وأنا لا وكيف صدر حكمه وهو ما ينفق (لأنه قال انتم ارفعو قضية عدم نفقة لأنها غير مرتبطه )
وموضوع النفسية اللي مادري ماسكه علي هل يدينني ؟ وأقدر اطعن في الحكم ؟؟
انتظر الرد لأن المغرب بينفذ الحكم باقي 4 ساعات هل اقدر أغير شيء ؟؟