الله يسلمك يانور ويحفظك يارب أسمعي ياقلبي الحمدالله الحين صار عندي خبره وعندي من فضل الله عليه خمسه عيال ثلاثه أولاد وثنتين بنات وصار عندي خبره في رعايتهم وتربيتهم والله يعيني ويقدرني إني أربيهم التربية الصالحه يعني أنت والبنات ماتخافوا تعالوا سجلو ا بس وبالنسبه لطفل لاتحاتون العرائس فله وطقتها واجد نشتري وحده ونخليها حقل تجارب رغم إن كان ودنا بجسم بشري نتعلم فيه بس الشكوى إلى الله ما أحد بترضى
بطفلها لنا وبالنسبه لرجل زميل زوجي صراحة حتى حسيت إنه قاصد زوجي لأنه بعد هاذي السالفه الرجل هاذا أستأجر بيت وسكن فيه ومادفع أيجاره وقام سجل في عقد الإيجار عند صاحب مكتب التأجير رقم جوال زوجي وتلفون العمل وجلس يماطل بالإجارات وآخر شئ ترك الشقه وهرب منها بدون مايدفع ولا فلس جلس بعد ماأنتظره صاحب المكتب وما جاء الرجل قام يتصل على جوال زوجي ويدقدق على عمله ويتكلم على زوجي وينك يحرامي ينصاب مادفعت إيجار البيت والله لأوريك وأسحب سحب لسجن وآخذ حقي منك ياظالم وآخر شئ سأله زوجي قال له أنت في حي ساكن قال له في حي كذا هاه مسوي نفسك ماتعرفه بكره أنا جايك العمل وبجيب لك الشرطه معي قال له زوجي زين شرفنا بكره أنا بستناك لأنه كان زوجي حاس إن الرجل إللي من جماعته ورى السالفه لأنه خلاص قال بكره يقتل له واحد وانا رقبتي بداله هاذا شئ ماعاد ينسكت عنه أبد وفعلا جاء صاحب المكتب لمقر عمل زوجي ويصايح وينه هالحرامي هالنصاب طلعو ه لي أبغى فلان الفلاني قالو ا له أخوياء زوجي فلان هاذاك هو قصدهم زوجي قال هاذامو بهو هاذا غيره هاذاك سكن عندي سنه كيف ما أعرفه قال له زوجي خلاص دق على جواله دق على الجوال رن جوال زوجي طلعه زوجي وقال له من أعطاك هالرقم أوصفه لي
وصفه الرجال لزوجي زوجي عرفه على طول قام زوجي وطلع بطاقة الأحوال وراه إياها
وقال له أنا وياه بيننا تشابه أسماء ونعمل في مكان واحد وسيارتنا نوع واحد بس أشكالنا تختلف وأكيد ماحط رقم جوالي عندك إلا هو قاصدني لاكن هين يالله معاي أوديك للقسم إللي يشتغل فيه وشاله وراح له يقول زوجي أول ماشافه صاحب المكتب قال أيوااه هو ده الحرامي النصاب إللي مدفعش الفلوس وزوجي قال له أيو ه هو هاذا إللي منتحل شخصيتي ومستغل بياناتي لحسابه الشخصي قال زوجي شالوه الشرطه وأنا رحت مع صاحب المكتب أشتكيه بأنه يزور معلوماتي ويسجل أرقامي
لصالحه وقال بس بعد ما إنضغط شويه وجا واحد من الجماعه عم الرجل كبير بالعمر وشايب وإنسان محترم قال أبوسلطان الشايب كبير وأستحيت أرده وتنازلت عنه علشان عمه بس ويوم زوجي سأله قاله ليش تسوي كذا قاله والله إني أمزح معك بسوي فيك مقلب بس قلت لزوجي يمزح ويسوي مقلب هاه أنتبه بس المره الجايه لايسوي فيك مقلب ويشلحك بيتنا وسيارتنا وإلا تاخذلك جلدتين تحمس ظهرك من ورى هالمقالب الحين صار عندي عقده كل مايدق رقم على جوال زوجي بدون إسم على طول أقول الله يستر شكله فلان مسوي مصيبه وكأنه صار إبننا كل يوم زوجي في مركز شرطه طالبينه على شان إسمه أخاف بكره يفحط يمسكون زوجي بداله .