عذرا قلبي

ما احنا اتفقنا ان الكلام اللي في مخيلتك عن الطبيب طلع أساسه من صورة طليق أختك اللي في ذهنكم... يعني انت ظالمتيه في ذهنكم

والحين أنا اسمحي لي أرجع أصف لك المعلومات اللي عن الطبيب بعيد عن الشوائب اللي في بالك

1- دكتور دارس برى المملكة
2- كان له رغبة بالزواج من عربية وماقدر << حاولي تعرفين ليش بغى عربية يمكن لانه شاف نماذج راقية فكريا ومتحضرة اخلاقيا وما يدري ان في المملكة فيه مثلهن واحسن بعد
3- غني
4- متحضر وراقي ( مع اني ماني فاهمة وش قصدك متحضر وراقي ترى اغلب الناس الحين عندهم ذوقيات في التعامل )
وماظنتي انك بتكونين قروية يعني مثلا دخلتي مطعم وش بتسوين !!! بتجلسين على ارض المطعم وتصرخين وتاكلين بالخمس ومادري وشو !!
لا حبيبتي تخلقي باخلاق المسلمة وتكونين اكبر متحضرة
5- نتفق بأشياء الهدوء..حب القرائة..التفكير..
6- بتجلسين عند امه
7- رزقه الله حسن خلقة والمظهر
8- يميل للالتزام << حاولي تجيبين معلومات اكثر
9- اختارك لجمالك ثم اخلاقك
10 بتسكنين في بيت كله خدم ولكن ممكن قسمك وطبخ زوجك ما تهوب ناحيته خدامه انت بيدك تكونين اميرة قسمك

ترى على فكرة

تقولني أخاف من كيد الحريم وتحسبين ان بعض الزوجات لو تركتيها بحالها ما راح تهوووب ناحيتك !!!!
حبيبتي فيه زوجااااات نااار تحرق كل من قداااامها ...
لا تحسبين الحياة وردية