المسأله ياخوي مو مسألة توافق أو ماتوافق أصلا الزوج إذا ركب رآسه وعند ساعتها ما عاد يفكر لافي رأي زوجته ولا أهله ولا أي أحد بيتزوج يعني بيتزوج ما فيه أحد راده عن قراره وأضرب لك مثال أنا أخوي الكبير عمره 42سنه متزوج وعنده 10عيال وقرر يتزوج مرة ثانيه وكلنا إخوانه وأمه عارضنا زواجه الثاني وزوجته كانت تقول لنا أنا موافقه له يتزوج خلوه وطبعا يوم راح خطب راحت معاه عند أهل البنت وسألتها أم العروس والعروس عن رأيها قالت أنا موافقه ماعندي مانع إن زوجي يتزوج وعادي حنا أخوات ومافيه مشكله بنعيش سوى في بيت واحد وبصراحه أنا أقولها بصريح العباره أنا وهو أخوي تزوج على زوجته حسيت نفسي بموت من القهروحنا أخواته وإخوانه عددنا 16بنين وبنات يوم زواجه أنقسمنا قسمين نصفنا حضروا حفل زواجه ونصفنا مارحنا لحفلة زواجه لأن بصراحه ماقدرت أتحمل أشوف زوجته الأولى يوم عرسه بالرغم إنها بعد الخطوبه وأثناء الملكه حقت زوجها إبتدت الغيره في قلبها وشبت على زوجها وصارت عصبيه مره بالذات إثناء تجهيز ه للعرس كانت تبغى تموت من القهر وكان كل ليله وهو عند خطيبته
وزوجته الأولى بالمستشفى قسم الطوارئ الضغط واصلن إتش عندها وليلة زواجه صارت نياحه صار البيت كأنه عزاء مو عرس وحاله كئيبه وماراحت عرس زوجها إلا بعد ماعطاها رضوه وأخذ لها ذهب نفس العروسه وتزوج وجابها عندها بالبيت وذاك هي اليوم أسبوع عنده وشهر في بيت أهلهازعلانه هاذي زوجته الثانيه بالرغم من معارضتي على زواجه الثاني إلى إني صرت أشفق على زوجته الثانية لأني أحسها إنظلمت معاه بسبب تصرفات زوجته الأولى وغيرتهافصارت حياتها تعيسه لأنه هوالزوج ماقدر يمسك العصا من النصف وتنقصه الحكمه في بعض الأمور
و بالرغم إني أنا أشوف إن زوجي لو أعطاني الدنيا ومافيها كله مستحيل أتنازل عنه لإمرأة ثانيه يا أنا لحالي معاه ولا مثل مادخلنا بلمعروف نطلع بالمعروف وليغني الله كل سعة من سعته صح أوافق على زواجه في إحدى الحالات إذا أنا ماجبت له عيال سوى عقيمه أو نسبة الحمل ضعيفه أو أكون عندي مانع من الوفاء بحقوقه الشرعيه أو يكون هناك مشاكل وراثيه في عيالنا مثل إنجاب أطفال معاقين كليا أو مصابين بتخلف عقلي وقرر الأطباء إن السبب جينات الأباء في الإعاقه.
أو إني أكرههههههه يعني أرميه بحلق غيري وأفتك منه إذا كان سئ المعشر أجيب وحده ثانيه تساعدني فيه علشان آخذ وقت راحه من قرقته وحنته لويوم واحد بس أتوقع هاذا حل مناسب لزوج المشاغب والمتهور .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله