أختي الله يكون بعونك أنت وزوجك ومن أراد بكم شرا رد الله كيده في نحره وشوفي يا أختي أول شئ لاتجتمعين باأبوك أو إخوانك وتقولين لهم
السالفه حتى تتأكدي بنفسك إن هم مالهم يد في الموضوع معليش يا أختي أنا ما أبغى أشكك في أهلك ولاكن النفس لأمارة بالسؤ إذا كان أبوك وإخوانك يعاملون زوجك بهاذي الطريقه ومايقابلونه ولايضيفونه أنا أشك إن في الموضوع إنا وكيف كان طريقة معاملت أبوك وإخوانك لزوجك أول ماتزوجتيه وقبل مايتصالح أبوك مع ولد عمه كيف كان إهتمامهم وطريقة معاملتهم لزوجك إذا كانت معاملتهم مع زوجك من بداية زواجكم كذا فالأمر مافيه شئ أما إذا كان معاملتهم مع زوجك طيبه وكانوا يهتمون فيه وفجأه قلبوا عليه فأتوقع إن هناك شئ يحاك في الخفاء بمشاركة خطيبك السابق ضد ك أنت وزوجك وبيخربون بيتك لغاية في أنفسهم الله أعلم فيها أنت تحري من الأمر وتأكدي وبالنسبه لرقم حتى وإن كان رقم مجهول يرسل عليك ويزعجك فالحمدالله اليوم فيه خدمه بشبكة الإتصالات إسمها تحديد المواقع إذا كان هناك رسائل تهديد بالقتل فالمسأله بتصير جنائيه وبطريقة رجال البحث والتحري مع تحديد موقع المكان الذي تم منه الإرسال بشبكة الإتصالات بيسهل مراقبة صاحب الجوال عن طريق رجال المباحث حتى يتمكنوا من الإمساك به والجوال معه طبعا إذا مسكوه والجوال معاه خلاص معناته مافيه أحد غيره مرسل هالرسائل لأنه أي شخص بيبتز شخص أو يهدده شئ معروف ماراح يجيب شريحه بإسمه علشان تكون دليل عليه أكيد بياخذ رقم مجهول نسي إن اليوم مع التقنيات بيجيبوه حتى لوكان بالمحيط الأطلسي عن طريق الذبذبه والإرسال يتم تحديد الموقع الذي هو فيه لاوبعد يراقبونه لفتره يراقبون إتصالاته ورسائله الصادره والوارده أنتم بلغوا عنه بدون ذكر إسم الشخص حتى لوسألوكم تشكون في أحد لاتقولون إيه فلان آدمي لأنهم بيجيبونه ويحققوا معاه وبيتخلص من الرقم وينكر ولا كأنه عمل شئ وبيطلع منهامثل الشعره من العجينه وبنفس الوقت أهلك بيزعلوا على زوجك في جرجرة إبن عمهم وشريكهم في تجارتهم لمراكز الشرطه وبيكرهوه بزياده ويحقدوا عليه وبكذا خصرتوا القضيه وخسرتوا أهلك أبوك وإخوانك لاكن قولوا مانعرف من إللي يرسل لنا هالرسائل وهم بطريقتهم يعرفوا يفتشوا ويراقبوا الرقم بطريقة سرية للغايه حتى يقبضوا عليه وأنا مع رأي أختنا رسيل بقوه وأشوفه رأي صايب بارك الله فيها وإذا إشتكيتوا على الإمارة ومركز الشرطه بسرية تامه حتى أمك لاتقولين لها قدمنا شكوة بالرقم إللي مزعجنا لا أنتم أسكتوا وإحتمال الإمارة تاخذ رقم زوجك ويعطوه لواحد من رجال المباحث لكي يستدرج المرسل بالرسائل والإتصالات بأساليبهم الخاصه ويقبضوا عليه بالجرم المشهود أختي في الله عند خروج زوجك من المنزل أستودعيه الله الذي لاتضيع ودائعه وعليكم بالدعاء فأنتم على حق ودعوتكم بإذن الله مجابه يسر الله أموركم وأبعد الله عنكم كل من أراد بكم شرا .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله