المشاركة الأصلية كتبت بواسطة helwaya

نورين انا مش معصبة خاااااااااالص لا تقلقي بالعكس انا صوتي واطي خالص وبشرح بهدوء

شوفي انا ابني كان بينضرب في مدرسته وهو عنده 3 سنين وخصوصا من ولد معين بالذات ،، كان بلطجي

وكان ابني يشتكي وانا مش فاهمة ،، لإن كلامه كان مخربط ومش عارفة حتى اسم الولد مظبوط .. يومس يا ماما يومس ،، وفي الاخر طلع يوسف !!

ومرة شوفت علامة جروح من قلم الولد الشقي يوسف ده في ظهر ابني ،، كان بيغزه بالاقلام الرصاص

روحت للمديرة فيها دي والوضع اتحسن شوية ،، وبعد كداأنا نقلته من المدرسة تماماً !!

انا معرفش النظام عندكم بره ايه ،، بس هنا لازم يكون في ناس بتراقب حتى في البريك، وانا ليا صاحبتي كانت ببريطانيا كانت بتشتغل في مدرسة بنتها تراقب العيال وقت البريك !

الخلاصة اني بقول انه في السن الصغير اوي ده اللي هو من 3 ل 5 او ل 6 المفروض مايبقاش في ضرب وعياط وحالة نفسية سيئة،، المفروض يبقى الاشراف كويس ،، بعد السن ده انتي تعلمي ابنك رياضة حلوة كدا ولادية وهو هيبقى تمام،، يعني ماتأزميش نفسك وتعامليه على انه راجل صغير !! الطفل الاولاني بالذات بيكون طيوب ومش عارف يدافع عن نفسه لقلة اختلاطه بأطفال تانيين في البيت ،، بعد كدا الامور هتتحسن اتوماتيك وهيبقى تمام