السلام عليكم ورحمة الله وبركاته

اخواني واخواتي بالمنتدى شكرا جزيلا لكم على ارائكم ومعلوماتكم المفيده للمقبلين على الزواج ..اما بعد

انا صراحه لقيت عنوان الموضوع اللي شاغلني وابي اكتبه بس للأسف الموضوع مغلق لأنه من عام 2009
الموضوع هو عن الهدايا من كلا الطرفين خلال فترة العقد .

الموضوع لمن قريته وشفت الردود السابقه ..صراحة ..استغربت كثير من ردود المشاركين ولكن لكل شخص وجهة نظر

انا مملك الحمدلله من 6 شهور تقريبا ..انا شفت البنت الشوفه الشرعيه قبل الملكه بسنة تقريبا ..فترة الشوفه طبيعي اني اجيب هدايا زي خاتم عطر ..وبعد ماشفتها وسوينا فحص الزواج ..اهديتها شنطة كوتش مغلفه احلى تغليف مع باقة ورد كبيره ..

الصيف الماضي وهو بعد مضي سنة على الشوفة ، صارت الملكة..وبرضو قدمت لها تعليقة الماس ومجموعة لوشنات ..وجميع الهدايا من الخارج لأني ادرس برا..وسافرت ورجعت اكمل دراستي وماقدمت لي ولا شي ..ولا حتى كرت كاتبه فيه كلام لي!!!

سؤالي واللي محيرني كثير واتمنى ان الردود تكون واقعيه ..هل هذا التصرف طبيعي؟؟ يعني هل اني انا اللي اجيب هدايا وهي ماتجيب ..انا قرأت في ردود سابقه ان الناس تقول الزوج بس يجيب ..وردود تقول انها يمكن مستحيه وناس يقولون انها قد تكون اكبر اخواتها وماعندها خبره ..هي ماهي اكبر اخواتها ومااتوقع ان الحياء يمنع الهديه ..الهديه ليست عيب ولا حرام وليست شرط ايضا ...لكن الهديه بمعناها للذكرى شي اعتبره شخصيا جدا مهم .خصوصا اني ادرس برا وراح اشتاقلها ..البنت جدا تحبني الحمدلله وراقيه جدا ومتعلمه ومثقفه ومن عائله جدا راقيه ..هذا اللي يخليني مستغرب

اتمنى انكم تفيدوني بآرائكم واتمنى ان الأراء تكون مفيده وواقعيه ..مستحيه , غافله , ماعندها خبره انا لا ارى هذي اعذار...الحياء يكون اول اسبوع اول شهر ..انا من يوم شفتها لي سنه ونص ..اذا كانت غافله فتلك مصيبه ..ومااتوقع ان البنات في فترة الملكه ماعندهم خبره بخصوص الهدايا

شكرا جزيلا لكم جميعا