منتدى عالم الأسرة والمجتمع - عرض مشاركة واحدة - (( خطيباتـي الثلاث وزوجتي الرابعه))

14-01-2011, 12:36 PM

شيخة البنـــات

عضو نشيط

تاريخ التسجيل: Dec 2010

المشاركات: 179

[SIZE="4"]

هلا فيك اخووي

أول شي عيد ميلاد سعيد وكل عام وإنت بخير العمر كله إن شاء الله[/SIZE]

الشي الثاني لازم نتفاعل معاك بعد مهما يكون إنت اخوونا واحنا هني عيلة وحدة لازم نكون مع بعض ونساعد بعض

الشي الثالث هي صح المفروض ما تسمع كلام أمك بس يمكن هي تعتقد إنها لما تتركك فترة إنت بتتغير شووي
أقول يمكن تفكر جذي ما أدري يعني أاتوووقع

شغلة ثانية إنت ألحين تقول بديت تكش منها على قولتك بسبب تصرفاتها
وهذا شي طبيعي و حط في بالك بيكون مؤقت اخوي
الإنسان بطبيعته لما يحب شخص معين ويحاول قدر الإمكان يسعده ويحسسه بهالشي
والطرف الثاني مطنش أو قاعد يطنش
لكن الطرف الأول يحاول ويظل يحاول معاه فترة معينة وهذاك معند
من الطبيعي إن الشخص الأول بعد فترة خلاص
ما بيظل على هالحال
بمعنى إنه بيقول مافي فايدة من كل اللي قاعد أسوويه حتى لو ذبحت عمري
هذاك ما راح يحس
فليش أتعب عمري أكثر
فراح يصيدك ههالفترة شعور مؤقت انك كارهها
رغم إنك من داخل قلبك حابنهااااا مووووت
بس بسبب تصرفها يمكن إنت تقول هاللون

هي ربما بعد داخلها نفس الشي
تحبك ولكن بسبب تصرفك هي تسوي هاللون
فالمسألة هني ملخبطة
الحين عيد ميلادك ياي انت بتشووف
أتمنى تدز لك حتى لو مسج على الاقل
بعد مهما يكووون يعني

وموضوع سيارتها بصراحة اخووي اسمح لي بس تصرف خطأ
يعني مهما يكون ما كان له داعي تسوي جذي
كلش كلش حسيت رووحك منقهر
روح البحر فلع حصى

أو اكتب كل اللي قاهرك في ورقة
وبعدين اقعد قطع فيها قطع فيها
ادري شي ما يبرد القلب
بس على الأقل أهووون

عاد مو كل مرة تسووي هاللون ههههههههههههههه

يمكن هي تشك إن إنت ترى

المهم طووول بالك و ريح رووحك
وإن شاء الله راح تنحل الأمووور
بس يبي له صبر
حط ف بالك كل مشكلة ولها حل
وما بعد كل هالجفا إن شاء الله إلا خييييييير

وكل هذا بيروووح عقب
لما تردووون لبعض إن شاء الله

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

التعديل الأخير تم بواسطة om abdlah ; 14-01-2011 الساعة 10:20 PM السبب: الرجاء الأنتباه للطريقه الصحيحه لكتابة لفظ المشيئه