أفضل شئ إنك تاخذي شريحه برقم جديد وترسلي لها رسالتها إللي أرسلتها لزوجك وأكتبي تحت رسالتها قبل ماترسليها إذا لم تقطعي علاقتك بفلان هاذي الرساله راح توصل زوجك
وراح يعرف حقيقتك المره وترى أمرك أنكشف لأن اللي أنت واثقه فيه خانك وفضحك ويسولف فيك بين أصحابه فأتقي الله في نفسك وتوبي قبل ماينخرب بيتك وتنفضحين قدام زوجك وأهله وأهلك .
وإذا ما أرتدعت ولاخافت واجهيها وأغسلي شراعها وخليها تشوف نفسها إيش كثر هي صغيره وحقيره وصدقيني بعدها ماعاد راح تفكر بزوجك أبد لأنها عارفه إنك دريتي عنها ولاتقولين لها إنك أنت كشفتيه لا قولي لها أنازوجي قال لي عنك وقال أنا بقول لك سر وأبغاك تسامحيني عليه لأني غلطت بحقك والحين أبغاك تساعديني على الخلاص من إللي أنا فيه
أنا غلطت مع فلانه زوجة فلان
وهي جالسه تلاحقني وتدق عليه وكل ما أبغى أتركها تجلس تدق عليه وتراسلني وأنا إنسان تبت لله عزوجل وأبغاك تنصحينها تبتعد عن دربي وتتركني في حالي وخوفيها بعذاب الله وقولي لها أنا بستر عليك لوجه الله وأبغاك تنسين معرفتناببعض للأبد فاهمه وإلا لا وإلابيصيرشئ مايرضيك والمسأله بتوصل لزوجك مدعومه بالقرائن والأدله إللي تثبت كلامي وخيانتك لزوجك وبعدها قفلي أصلن بتخجل على نفسها أولا إنك كشفتي أمرها وبنفس الوقت ماراح تسترجي تحط عينها بعينك أبد وراح تبقى تتهرب منك مدى العمر لأنك تذكرينها بفضيحتها وعارها إللي سوته مع زوجك
وأنتي يا أختي خليك حريصه على زوجك وأنتبهي له زين بالذات من الناحية العاطفيه لأن
بعض الرجال إذا ما أشبعتي غريزته وتفننتي في جذبه إليك
بحبك وحنانك وعاطفتك مايقنع بللي عنده أبد أحسن شئ إنك ماتخلي زوجك يلتفت لبرى أبد خليك قريبه منه أسأليه وش ناقصك أنا ماوفرته لك ليش ماصارحتني بللي تبغاه أنا زوجتك وملكك وحلالك ويحق لك تطلب إللي تبغاه مني بشرع الله وأبشر فيه كيف تعطي مشاعرك وأحاسيسك لغيري وأنا محتاجتهامنك وأجلسي معاه جلسة مصارحه مو جلسة معاقبه لأن ربنا هو إللي بيحاسبه
وقولي له إذا هي أمتحنتك وجالسه تطارد وراك خلاص أنا أتصل عليها وأحل الموضوع معاهاطبعا الموضوع فضيحه لها قبل مايكون فضيحه لك وأنت تفاهمي مع زوجك وإذا كان فعلا تركها وهي جالسه تلاحقه وتمتحنه فأفضل شئ يغير رقمه أحسن ولايعطي زوجها رقمه الجديد وأنت إذا لقيتيها في أي مكان لمحي لها عن الحريم الخاينات أزواجهم وجيبي لها قصة زوجه خانت زوجها مع صديقه وإن صديقه فضحها وعلم كل أصدقائه عن زوجة صديقه الخائنه وفضحها بتسجيل مكالماتها وصورها والمهم أنت حاولي إنك تحسسينهابأنك أنت صاحيه وعارفه كل شئ حولك ويارب إن شاء الله يصرف كيدها عن زوجك ويهدي زوجك ويرده لطريق الحق .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله