منتدى عالم الأسرة والمجتمع - عرض مشاركة واحدة - مين عندها حركات رومانسية جديدة ؟

17-01-2011, 03:30 PM

#11

ام-وقاص

عضو نشيط جدا

تاريخ التسجيل: May 2008

المشاركات: 252

انا مرة , سويتله بطاقة دعوة بالكمبيوتر , كانها شركة Spa .. حطيت في البطاقة انه فاز بجلسة مساج كامله في سبا ام وقاص, الساعة 8 , و رسمت خريطه بيتنا وراها .. و حطيتله اياها في شنطة اللابتوب حق دوامه .. و لما راح الدوام شاف الدعوة و استاااانس .. و ظل طول اليوم يرسلي انه متلهف و متحمس عالسبا ..

المهم , انا عاد جهزت المكان .. مليت البيت شموع , و ورود مجففه في الارض و في الطاولات و الكورنارات ..
اشتريت شراشف بيضااااااااء , و غطيت كل الكنبات في الصاله ( المجلس ) و حولت الصاله كأنها قاعة سبا .. كـــل شي ناصع بياض , و غيرت ترتيب الاثاث .. الطاولات الجانبيه غطيتها باقمشه بيضه , و فوقها وروه و شموع ( الشموع فوق الاغطيه تكون فوق صحون خاصة للشموع - فهمتي قصدي صح - لاا تعملي شي يمكن يسبب حرائق هههه ) ..

اشتريت جهاز عمل مساج و باديكيير للرجل , مثل الخاص في هالاماكن .. و اشتريت كل الادوات و الكريمات و الزيوت وووووو ..

جهزت اطباق حلو ( لاني وضحت في البطاقه انه بعد العشا فهو جاء متعشي ).. و سويت عصاير طبيعيه ولا اروع , و سكبتها في اكواب كاننا في فندق خمس نجوم .. و حطيت تشكيله من الفواكه الاستوائيه ..

حطيت سي دي صوت للطبيعه .. شلالات و عصافير و امواج ..

و غرفة النوم حولتها تمامااا .. كل شي ابيــــــــض و شموع , و ورود في السرير و ريحه حلوه كثير استوائية في كل البيت .. حتى الحمام عملته كاننا في فندق مو بيت ..

لبست لبس ابيض قصير و حلو كثير ..

حطيت في الطاوله اللي عند الباب روب ابيض جديد مقاسه , و ذيك النعلان مالت البيت الصوفيه , اللي مثل الفنادق .. ( كنت سارقته من زمان من فندق اتلانتس ههههههه , جاء يوم و استخدمته ههههه الله يسامحني )

المهــــــــــــم ..
لما جاء ابو الشباب , دخل بروحه .. و لبس الروب و النعال و الابتسامه عريـــــضه ..

المجلس سويتله منكيير و باديكيير ( اصابعه كانت تلمع لمع ) .. و مساج شااامل للايدين و الرجلين .. و غطيت عينه بشي اشتريته , تحطينه فالثلاجه و بعدين تحطينه في العينين ..

بعدين شرب العصائر و اكل الحلو ..

و بعدين رحنا الغرفة .. و سويتله ماسك في الوجه و مساج في الجسم ولا اروع ..

و ابو الشباب نام على طووووووووووووووووووووووووووووول