والله فرحة الأهل ما تنسى بأول حمل..
أنا أؤيد اخفاء أمر الحمل في الشهر الأولى لكن مو في الحمل الأول..
لأن فرحة الحمل الأول غيييييييييييييييييير..
وخصوصاً لو كنت الابن الأكبر..
يعني مع احترامي لزوجتك لكن لا توافقها بهالخطوة..وبعدين ممكن تندم عليها..
وسالفة إن أختها عارفة فثق تماماً إن القبيلة كلها عرفت..والله أغلب الحريم ما يوثقون السر خصوصاً إذا كان سالفة حمل..
ومن الجانب الآخر..
أحب أوضح لبعض الأخوة الرجال ليه المرأة ترغب في إخفاء حملها..
بما إنكم رجااااااال فما راح تتفهمون اللي يصير لنا بسهولة..لذلك حبيت أوضح
المرأة عادة في أشهر الحمل الأخيرة تتعب بشكل عااااااام وتزداد نفسيتها سوء وخصوصاً لو تعدت موعد الولادة المتوقع لها من قبل الطبيبة..
وفي الأشهر الأخيرة يزداد سؤال الناس بشكل مؤلم للحامل..على سبيل المثال..
لو شافوها بكرشتها..يقولون: إنت للحين ما ولدتي..والله إنك أبطيت..
لا يكون اللي في بطنك صاير له شي..وسواليييييف والله صعب أقولها هنا وتدرون عنها يامعشر الرجااااااال
أو بالاتصالات..أو الرسايل..وبكل وسائل التكنولوجيا الحديثة..
طبعاً هي مسكينة وفي حالة ضعف راح تعيش وساوس وخوف على نفسها وعلى جنينها..
وأنا ياكاتبة الموضوع..مريت بتجربة مؤلمة جداً أقسم بالله إني قفلت جوالي وطلعت رقم ثاني مؤقت مايعرفه إلا أمي وزوجي فقط والله لا أخواني ولا أخواتي يدرون عنه لحد ما ولدت بالسلامة..
طبعاً الاتصالات تحولت على امي وينها وش فيها لا تكون منومة بالمستشفى؟؟؟!!!!
وأمي الله يسعدها ما علمتني بذا السوالف إلا بعد الولادة عشان نفسيتي لا تتعب..
وتربيت في حملي اللي عقب ولا علمت أحد إلا يوم بان بطني للكل ووالله إني ولدت ولا أحد درى عني وكلهم تفاجأوا وكانت نفسيتي جدا مرتاحة بالرغم إني فوت كم يوم من موعد ولادتي المتوقع..
أدري قرقرت وااااااااااجد بسوالف الحريم لكن الهدف توضح الصورة للرجال..
والله يسعدكم ويسخركم لبعض.
__________________
عندما أكتب فأنا أناقش الفكرة لا الشخص..
فلا ضير أن تختلف آراؤنا ولا تختلف قلوبنا..