انا بصراحة مصدومة من قصتي
زوجي اتصل باهلي بعد اسبوع من انقطاعه هنا و لا يرد على تلفوناتنا بحيث كان اتصاله انه يطلب السيارة اللي عطاني اياها
و يامر و يصارخ كأنه شيخ، انا قمت اتصلت فيه و سبيته على اسلوبه و قلت له عوض ما تتصل و تناقش موضوعنا مع الكبار قاعد تامرهم يرجعو عليك السيارة قلت له سيارة ما بعطيك وسوي اللي تبغيه
اتفاجئ اليوم التاني ان الشرطة متصلين فيني و مطلوبة عندهم سرت لهم في الحال
الا و زوجي موجود هناك مشتكي علي ليش كسرت مراية التسريحة و التلفزيون و اني امتنعت اعطيه السيارة
طبعا انكرت موضوع التكسير و قلت لهم السيارة ما بعطيه اياها الا بعد ما يطلقني و فعلا بدون ما يتردد ولا لحظة طلقني
تخيلو شو كانت حالتي بعد 3 شهور زواج تطلقت صمدت جدام الشرطة ساعتها و قالو لي تعالي بكرا اليوم يوم سرت عندهم عطيتهم مفتاح السيارة بس هو قال لهم لا اول اشوف اذا عليها غرامات هي تدفعها و تطرشو معاي دورية تعاين السيارة شدارني يمكن خربتها او كسرتها ما اقول لكم حسيت اني كنت مخدوعة فيه و اني تزوجت احقر انسان في الدنيا
فعلا الشرطة تشيكت على المخالفات ما حصلت عليها شي ياربي شوفو الانسان اللي كنت اخدمه بعيوني اخر عمري دخلني مخفر في حياتي ما سرت مخافر و طلب اتمام الملف و قالهم ابغي تطرشون معاي خبير جنائي عشان يشوف البيت و ياخد البصمات انا صرت احتقر نفسي كيف كنت عايشة مع شخص حقير مثل هذا هذا اللي وقفت بوجه اهلي عشان اتزوجه طردني من البيت و الحين مطوفني بالمخافر كل ضباط القسم يترجونه بليز المشكل بسيط لا تكبره و يقولو له انت ريال و تدري غيرة الحريم تحرق بيوت مب بس تكسر تلفزيون و هو منتفخ و معاند لا و قال لهم انا كنت في الكعبة و ادعي ان الله يفكي من هالحرمة طيب ليش و شو السبب لا اكلت مالك ولا دبحتك و لا خنتك ليش ليشش ليشششششش هدا كله مب عارفة
انا مصدومة دموعي امتنعت تطلع و انا في اشد الحاجة للبكاء
طيب ليش يا ربي انا يصير فيني جي ما سويت شي غلط في هدا الريال
حسبي الله و نعم الوكيل فيه

اشكرا كل اخت و اخ وساني في مصيبتي جزاكم الله خير
بقولكم اخر اخباري اليوم الصبح اتصلو فيني من المحكمة طلبو حظوري
يوم قلت لهم و السبب قالو لي زوجك يبغي يتبث الطلاق و لازم حظورك
بصراحة كل يوم اكتشف نذالته ووقاحته ووساخته اكثر ما كفاه دخلني المخفر عمري ما شفته في حياتي
لا و قضيتي الحين صارت في النيابة العامة و العالم الله شو راح يصير بعدين و الحين بيدلخني محاكم
مناي بس اعرف ليش هالنذالة و الوساخة و الوضاعة عمري ما تخيلت اني راح اوصل لهالمواصيل في حياتي
ما تذكر لي يوم واحد حلو قضيناه مع بعض ما تذكر لي مرة سقيته كوب مي طيب شو و ليش هذا كله
الله ياخد لي منه الحق و حسبي الله عليه حسبي الله عليه حسبي الله عليه و نعم الوكيل

مشكورة اختي ام الجود على سؤالج عني
انا اتعس انسانة في الدنيا مادري هل هذا عقاب من الله ام اختبار
الحمدلله على كل حال و حسبي الله و نعم الوكيل عليه