مبروك اخوي المحتار والله يوفقكم ان شاء الله وعلى كثر ماوصوك بالعدل اذكرك فيه
لان راحتك بتبدا منه بالتالي زوجاتك
احداثك صراحه مرهقه مشغله لدرجه المتابعه والله يسهلها وتنتهي الحلقه الاخيره ع خير
اسمح لي اعطيك من البدايه بالرغم من وجود مستجدات وماقصروا الاخوان والخوات
بس قبل احب اقولك مثل مازوجتك الاولى تحتاج تغيير انت بعد تحتاج تغّير طريقه اسلوبك
في التعامل معها, يتضح لي من ردودك قوه وساعات اشوف السيطره والضعف
وانصحك تكون في بعض الحالات صارما وليس قاسيا
زوجتك كسرها غرورها وعنادها اللي من كلامك ان حتى اهلها متأذين منه وهالشي منفر اهلها ومخليهم متباعدين عاطفيا بالتالي مافي من جانبهم أي دور ايجابي في حل مشاكلك
معاها من بدايه ما كنت تشتكي من بنتهم! وكان لسان حالهم يقول تستاهل مايجييها!
كانت عايشه معاك بنظام عسكري مو زوج! كل شي يتنفذ باللين والا بالشده والصراخ!
سواء عاجبك او العكس !وانت هنا ساهمت في انها تتمرد وتعاملك بهالاسلوب من 13 سنه!
رضوخك لاسلوبها زاد من عنادها وغرورها
زوجتك ذكيه كيف؟
عرفت توقّت عمليه الانتحار والا لو انها بغت تنتحر كان انتحرت وقت ماكلمتك وقلت لها انك عند المعازيم او بعدها بس عرفت تضرب نقطه ضعف عندك ومدى تاثيرها عليك بعدين بدليل انها كلمتك وانقطع الاتصال ووقت ماجيت لقيتها ماخذه الحبوب
اللي بينتحر ما يفكر ويخطط ويكتب وصايا ويتصل بالعكس يصير مشوّش واتوقع لو ان الخط ما انقطع ان تقولك انا خذيت حبوب وتعال شف و تاأكد؟ والا ليله عقدك على زوجتك بامكانها تنتحر ومحد درى عنها لو ان هذي رغبتها بس اللي شفته كله تخطيط مدروس لاستدراج عاطفتك بصوره ماراح تنساها ذهنيا
هي انصدمت مثل أي وحده زوجها بيتزوج عليها بس تحتاج انك تحتويها وهالشي مو غريب
في تعاملك معها من زمان بس هالمره يكون مختلف نوعا ما مع محاوله دعمها للتغير هي من
نفسها و بقناعه عن ماكانت عليه من قبل وبيّن لها بنبره واضحه أنك الحين لك مسؤليات
ثانيه في بيتك الثاني علشان تحط هالشي وتتأقلم مو توجع راسك وتشتتّك كل شوي طلقني وطلقني وممكن بدهائها تحاول تضعف رايك بس خلك ادهى وقاوم ولا تفكر يصير رايك متذبذب قدامها علشان ماتدخل عليك منه وبقوه وانا ما قلت هالشي الا عارفه مشاعرك الحاره بالرغم من سواياها معاك ! ولاتسمح انها تحكي عن بنت الناس بشي مو حلو سواء قدامك انت
او قدام عيالك وتسكت او تداري حالتها من الان بين منهجك وخله واضح لانك بتتعامل مع الثنتين فيه ونصيحه تأنى في موضوع الطلاق ويفضل لو تنساه حتى وان الحت عليك خذ وقت كبير علشان تقرر بس مو تنفذ لانك بتششت في موضوع الطلاق وعيالك ومن بيحتويهم ويعتني فيهم زوجتك الثانيه وش مكانها من هذا كله بيضييع فكرك وقلبك
اتمنى موضوع زواجك يمشي على قدم وساق وتتوفق وتتعوض بالسنين اللي راحت من عمرك
والله يهدي زوجتك ويشفيها ولاتنسى انها مسؤله منك ليومك هذا وواضح الخلل اللي بشخصيتها
والصدمه اللي زادت عليها فواجب تقنعها تتعالج نفسيا سواء بالقراء والا طبيب نفسي
اختك
موت النخيل