رووح اولا اشتقت لك ياابنت . يالله ارجعي لندن ظلمت بدونك ...


شوفي ياحلوة ...
زوجي جنوبي غربي .. فيه شوية من زوجك ..بس يمكن من مصلحتي
انه اتغرب و بعد عن اهله بدري فا اضطر يتحمل مسؤليته و لا كان بخبر كان

و انا مثلك شمالية بامتيااز ... اذا الشي ما انعمل هذيك الساعة ما اعرف انام و لا اكل...

الفرق بينا اني عرفت طبع زوجي من اول ايام الزواج .. و ثانيا من نصايح امي
لانه برضو بابا جنوبي ... فمن البداية قالت لي لو تنطبق السما على الارض ما تسوي مهامه و لا عمله خلييييييه ..

فا صرت من اول ايام الزواج .. اذا كنت عند اهلي اتحمل مسؤليتي و مسؤلية اهلي و اخواني كااملة بحكم اني الكبيرة
و اذا رحت عنده .. ما لي دخل باي شي غييير الطبخ و شغل البيت
يعني مثلا .. حرقت لمبة .. و عندي لمبة جديدة و قادرة اني اسويها
ما اسويها ابددا ..اقعد بالظلمة لين ماهو يتكرم و يسويها
طبعا اكون احرق جواي بس مالي دخل.. ومرة على مرة اتعودت
الحين صايرة باااردة
اقرب مثل امس .. ماكان عندي لا لحم و لا دجاج ولا ايي اشي
قمت سويت غذا من حواضر البيت عادي.. و مانزلت رغم انه اللي يبيع الدجاج تحت بيتي.. بس مالي دخل هذه مسؤليته .. لما رجع قلت له مافي شي لغدا بكرة انزل جيب
و كاعوايده قال طيب بعدين و انا ماكررت عليه و لا زنيت على راسه سبت له حاله .. و قفل المحل بدون مايروح .. فاليوم تحسبيني بنزل اجيب شي عشان اطبخه .ز نو نو نو .. اتصلت فيه يجيب شي من برا .. فا اليوم بيجيب الغدا
و بيجيب الاغراض

و قيسي على هذا اي شي ينقص للبيت .. يتصل قبل ما يروح من شغله و اقوله اللسته و يجيبها معاه وهو راجع .. لاني مو ملزمة اطلع انا و كرشي و ابني و ارجع محملة و ينكسر ظهري من الدرج ..و صار هو عارف انه ضروري يجيب معاه
لانه اذا ماجاب ماحد بيجيب لنا

مثال ثاني .. من شهر المفروض كان تسجيل ابني بالحضانة ...وهو ماعنده وقت لانه يكمل شغله الساعة 6 و التسجيل الساعة 3.. قالي تروحي انتي ؟؟؟ الموضوع كله 5 دثايق بس ... قعد يحاول فيني ...
رجعت جبتها بدلال و ضحك اني ماقدر اروح بدونه ويمكن يصعب علي شي و اينه محتاج له .. ووضحت له بهدوء اني مو راااايحة بدونه و خلي التسجيل يروح و الولد يتاخر سنة

شاف مافي امل مني .. فا اخذ عذر و روح بدري و رحنا كلنا سوى للحضانة
فا خلااص صار متعود انه اذا ماعمل الشي لحاله ... انا ماراح اعمله ابدددا ...

شوفي مااقولك الموضوع سهل .. بياخذ منك حرق اعصاااب و يبي طولة بااال
لكن بالنهاية بيجيب مردود .. لكن طالما انك واخذه زمام الامور صدقيييني انتي الخسرانة ..
صح اوقات ترحميهم و بكلمة طيبة ممكن يؤثروا عليك ... بس انا صدقا كل ما اتذكر
امي و ابوي قلبي يقسى .. و صح اتعبه بالمشاوير و الاشياء هذه لكن اعوضه بالدلال و الدلع و باشياء ثانية و باختصار... خلااااص صارت الحددود مرسومة توماتيكي .. ايش هي واجباتي و ايش هي واجباته ...


امي مثلك قلبها طييييب و بكلمة يقلب راسها و النتيجة .. 27 سنة زواج كل شي على راسها .. مسؤلية البيت و مسؤلية اخواني.. تعبت كثيير الله يجزاها الخير
وهو الحين صاير لو تقولي له مشكلة من مشكلة اخواني برتفع فيه الضغط لانه ما اتعود لا على مشاكلهم و لا على همومهم
حابب يعيش الحياة فري ما يعكر صفوه شي .. و كل شي براس امي الله يجزاها الخير

و انتي اذا ما تلافيتي الموضوع الحين صدقييني بتتعبي .. الحين
يمكن تشتكي من مسالة المشاوير و اغراض البيت و الاشياء هذه
لكن بكرة بيكبروا لالطفال و تصير عندهم مشاكل .. بتلاقيه يتملص و يهرب
و يخليك بوجه المدفع .. فاا ضرووري تقوي قلبك

خلييك متظااهرة بالبرود و صدقيني مرة على مرة بتصييري فعععلا باردة
بموقف ابنك الله يحميه .. لو منك ما كنت بقوله تعال خذه المستشفى
لا على طوول بتصل فيه و اقوله ابنك دوخ بعييد الشر (يعني هووولي الموقف)
بتلاقيه جا على طول .. لكن موضوع السخونة و الاسهال يمكن شافه عادي
و يقول لك الاطفال كلهم يمرضو .. لكن لو اتصلتي وهولتي كاان اتحرك بسرعة

فا يا حلللوة .. حليين لا ثالث لهما
اما ترضي و تكملي على نفس المنوال و تأقلمي نفسك على انك ما تطلبي منه شي

او ترجعي تعيدي طريقة تعاملك معاه و تتحلي بالبرود الظاهري اللي بالنهاية بينقلب
لبرووود فعلي

اي حل بتختاري صدقيني و مع الوقت بتتعودي عليه بس الفرق بالاول بتتعبي بدنيا
طول حياتك
و بالثاني بتتعبي نفسيا اول فترة و بعدين بتتأقلمي

ربي يسعدك حبيبتي و يحفظ لك زوجك و ابنك .. و طمنيني على ابنك كيف صار

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله