ابو سعود دايم تتكرر هالكلمة منكم : نتعب ونشقى ونداوم ونصرف ومانحصل شي
مو القصد تهميش التعب .. ولكن القصد :ليش التهويل والمبالغة ؟؟
تعبك كرجل في حياتك الزوجية وشو ؟؟ 6 او 8 ساعات خمس ايام
بالاسبوع عمل رسمي .. نهاية كل شر يجيك راتب تعطي زوجتك الي تحتاج
كل اسبوع او اسبوعين اغراض البيت .. يا ترى هل هالشي مرهق لهالحد الكبير !!
هذا اولا .. ثانيا .. الرجل ممكن يجتهد بالصرف والسفريات .. ويظن هالشي يكفي
عشان تكون زوجته مرتاحة معه .. لكن مايكفي تدري ليش ؟؟ لان الزوجة بشكل عام
تحب الرجل الي يسوي الاشياء الي تريحها .. ومايسوي الاشياء الي تضايقها
وتحب الرجل الي يدعمها ومتمسك فيها معنويا وعاطفيا
وتحب الرجل الي يزيدها ما ينقص منها ..
ما تحب الرجل الي يكرر اغلاطه .. وياكثر الرجال الي لو عرف ان في شغلة
تضايق زوجته .. يستمر عليها ولا يهمه ..
ولا تحب الرجل الي يعاملها كنها اخته ..
ولاتحب الرجل الي يحتكر حياتها لمصلحته هو .. ياخذ منها الكثير ويعطيها القليل
ابو سعود ... كمثال اقول لك على حركة منتشرة بين الرجال والحريم
وهي ان الشخص يكتشف شي يضايق شريك حياته .. بس يسويه !
هذي وشلون يفسرها الطرف الثاني؟ ان شريكه ماتهمه راحته !
وشي طبيعي تتفسر بهالشكل .. وشي طبيعي ردة الفعل تكون سلبية
لذلك الطرف الاخر لا قصر او اهمل بواجباته ما يلام لان الطرف الاول
فعليا ما تهمه راحته ..
اذا كان الواحد مستعد يحاسب نفسه على اغلاطه بحق شريك حياته
ومستعد ما يكررها .. ومستعد يعطي شريك حياته الي يبيه .. ويجتهد
بالي يقدر عليه .. فاحتمال نجاح الحياة الزوجية كبير
ولكن اذا مثل الوضع الحالي .. فالله يصلح الحال بس ..
__________________
شتان .. بين من تسيره مبادئه ، ومن تسيره مصالحه
التعديل الأخير تم بواسطة روعة المعنى ; 02-02-2011 الساعة 01:23 PM