فاقده حنان زوجي وتعباانه نفسيتي
بسم الله الرحمن الرحيم
السلام عليكم ورحمة الله وبركاته
أبقول لكم شي متعبني نفسيآ وجسديآ وقلبيآ ..
أنا متزوجه واحد معدد وأول ماتزوجني تركني عند أهلي تقريبآ سنتين
لآكنه كان يكلمني يعطيني حنان حبييييته بجد وبقوه وأدمنته بعد فحبيت يأخذني عنده
وكان يماطل بأخذي عنده وبعد إلحاح وطلبات آخذني عنده في نفس البلد اللي يسكنه هو وزوجاته
أنا يوم جيت عنده فقدت أشيااااء كثيره وأهمها الحب والحنان وآحس تعبت نفسيآ
ماعاد يتصل بي ولا يتغزل ولا يرسل شي حلو انا اللي بس اتصل فيه
وحتى لو إتصلت مايعطيني حب وحنان رسمي أو بعد ياليت رسمي إلا إستغل طيبي وضعفي
مع إني أحبه وأرسل عليه كلام حلو ومحترمته بسسس للآسف مقصر معي
مع إني مو متعبته بيوت حريمه مهتم فيهن خاصه زوجته الثانيه الوسطى
وأنا تارك لي الخيط والمخيط أنا اللي اتصل ع الكهربائي وأروح معه للبيت
وأنا اللي أشتري الأثاث وأنا اللي أشتري اللمبات وأنا اللي أتصل بالكهربائي والسباك
وربي تعبت تعبت نفسييييييييآ !!
بما إنه كان مخليني بديرتي عند أهلي وكان يشتغل ببيوت زوجاته
مفروض يوم خلصت بيوتهم وجيت أنا يبدأ يأثث بيتي ويهتم فيه !!!!!
كل جوالي أرقام هنود ومصاريه وبنقاليه عجل ع إرسال أرقامهم لي مايخلص لي شي
تكفووون قولولي شسوي معه ؟
يد وحده ماتصفق ولاقلت له شي قال طيب ومايسوي شي مهههههمل!!
انا طرحت لكم مشكلتين الاولى اهم تري عندي من الثانيه
مايعطيني حنان وبنفس الوقت مايقدر وضعي النفسي من فقداني للحنان وكثر الاشغال
ويوم قلت له عطني حنان حسسني إنك تحبني قول كلمه حلوه لي حرام عليييييك أنا بنت مو كبر زوجاتك
يوم كنت بديرتنا كنت تعطيني حب وحنان وآحس إني ملكت الدنيا كلها
يوم جيت عندك ماعاد تعطيني ليش؟؟
قال أول أنتي بيني وبينك الحب والحين صرتي زوجه رسميه!!؟؟ 
قلت خير رسميه آجل أنا كنت مسيار بالنسبه لك وأنا مادري قال لا
بس أول بعيده والحين عندي زوجي فاهم الحب من جنب
ع باله لاصارت بديره وهو بديره ومتخفين وسريين هذا الحب!!؟
ولا صاروا بين الناس وقريبه منه راح الحب الحب ع كيفهم يجي ويروح الحب للبعيده؟!!
أنا أكتب وأنا في قمة التوتر والإرهاق والإحتياج العاطفي
مااااخبي عليكم بديت أمل منه بديت أحسسسس عادي لو تركته
بديت أحسسسس ماغار عليه ودي أصير زوجه للمأوى وبسسسس
مابي أسئل علييييييه مابي أروح معه بس يتهمني بإني بفرق شمله
لعبت به زوجته اللي قبلي عشانه آخذني عليها وكرهت عيالها بي
وقايله لزوجي إنهم تعبانين نفسيآ عشانك أعرست علي
وخلته يداريهم مداراه فظيعه وأي حركه مني وتصرف يفهمه غلط
رسسسختها براسه إني أبي أستفزهم
تكفوووووووووون إنصحوني أعيش معه لنفسي وبس ولا شلووووون
لاتقولون وش حدك ع متزوج,,, هذا النصيب
وبما اني كنت مطلقه فأحس عادي متزوج
أنتظر ردودكم
التعديل الأخير تم بواسطة ماريا ; 27-02-2011 الساعة 08:37 PM