المشاركة الأصلية كتبت بواسطة صابرة بدنيتي

حبيبة عمري روح الطير
والله من يومين افكر فيك اقول وينها
ماشفتك من رجعت من عند اهلي
وحشتيني يالغلا
ما يوحشك غالي يا قلبي ..
بس كنت أحاول أشغل حاالي بأي شئ ..

و كنت بحيرة ( أكمل دحين دراستي و لا أأجل سنة )


-------------------------------------------------------
روح ياروحي يابعدهم انتي اول شى اقولك اللف حمد الله على السلامة ونورتي السعودية بكبرها
الله يسلمك و يبارك فيك يارب ..
و منورة بك يا عسل و بأعضاء المنتدى ..

أهم شئ إنك الحمد لله سليمة مع سيول جدة

------------------------------------------------------
حبيبتي نسيتي الدرس الي عطيتيني اياه؟
بكيفه بكفيه
نسيتي كم مرة رددت معك هالكلمة
يطنش بكيفه
يموت بكيفه
ينتحر بكيفه

ياختي بكيييييييفه .. بس يتحرك و يجيب البيت و يأثثه ؟
لو إني في بريطانيا ، تلقيني بضغطة زر ، أدخل للمواقع و أرسل ايميلات لأصحاب البيت
و مكاتب العقار أو أدق عليهم و أخذ موعد .. ثم أقول لزوجي ، اليوم و الوقت الفلاني
حجزت موعد و أطلع له العنوان من النت و كل شئ بالنت ..

هنا كل شئ ملخبط ..؟؟؟؟


و ممكن أقول بكيييييفه بس أنا اللي بأتحمل النتايج في الأخير ..
و هو يدري إنه عندي رصيد في البنك و ما راح أبخل على ولدي و لا على نفسي إن
ضاقت بيوم ..


زمان كنت أهتم إيش ياكل ؟ إيش يلبس ؟ مين يغسل ملابسه ؟ إلخ
دحين صرت أقول ( بكيفه ، خلي أهله يغسلوا ملابسه )

حتى أمي تقول لي ( اطبخي لزوجك و ناديه )
بس أرفض و أقول لها ( أكل و شبعان )
لييييه أخليه يتعود ، إنه كل شئ أهلي يوفروه لنا ؟


------------------------------------
صدقيني ياروح الي يشوف كلامك يقول فعلا شخصية قوية وصلبة
هذا كلام الكل ، بس زوجي عرف كيف يلين راسي بكلمتين
حتى ليلة زواجي ، أخوي قال لأمي :
( ترى زوجها واحد مو هيييين أبدا .. عرف كيف يلين راسها و يقنعها بالزواج )
و أمي صارت تضحك .. و بجد ، طلع زوجي مو هييين ،.
و يضحك ( على بلد ) من جد ..


------------------------------------
بس في حقيقة الامر انتي بداخلك جبل من المشاعر قلبك طيب لابعد الحدود
والدليل انه اول مايكلمك تنسين كل شى
أخاف يا صابرة إني أقسى و أقسى ، و تنقطع حبال الودّ .. فأعطي فرص كل شوي
و لإني أعرف حالي ، إذا طردت شخص من حياتي ، بسهولة أنساه بعد كذا ..
و ما ودي أوصل للمرحلة هذه ..



بس طبعي مع الناس كذا .. حتى أمي و أختي يسموها ( هبالة ) ههههه
لإنهم يقولوا ، أي أحد يزعلك..
تنقهري و تعصبي و مجرد ما يكلمك .. تنسي و ترجعي عادي و لا كأنه فيه شئ ..
رديت عليهم ، إنها مو هبالة .. بس مجرد ما الشخص يرجع يتكلم معاي ، فأعتبره اعتذار
بطريقة غير مباشرة و أسامح ، بس بنفس الوقت .. بأخذ درس من اللي حصل و ماأكرر
الغلط .. يعني أخذ حذري و أتعلم .. : (



--------------------------------
وفعلا زوجك تعود ان ترضين بسرعة
شكلها من جد ما تنفع مع زوجي ،.

المشكلة مرات أسكتتتت و ما أعبببره - لإني تعلمت السكوت - ، فيجي و يقول :
يا الله عاد ، لا تنكدي ..

و بس أرجع أكلمه و أضحك ، يجي يطنشني هو ..
تحسيه بس كان بيرضي ضميره




---------------------------------------
وهنا اقولك انه في قواسم بينا مشتركة كثير
لاني زيك ارضى بسرعة ولا احب الزعل
حبيبتي زوجك زي زوجي بارد ويطنش وسكوت
في هذه صدقتي ، و قلت لك من قبل .. كنت مثلك في حساسيتك ..
زوجي يتشابه في أشياء مع زوجك ، بس زوجك أحسه متعود يشيل مسؤوليات ؟؟؟؟



--------------------------------------
ارجعي لنصايحك لي فو الله لن افيدك مثل ما انا استفدت منك
لاني استاذتي
باب النجار مخلوع

هذاك اليوم مقهورة من زوجي ، جلست أردد في داخلي :
طبيب جراح .. قلوب الناس اداويها ..
وياما جراح .. سهرت الليل اداريها ..

شافوني قالوا متهني .. من كثر الفرح بيغني ..
تعالوا واسألوا عني انا اللي بيّ جراااااااااااح ...
اطباء الكون ما تشفيني ..

فين الوعود فين العهود ..
فين المحبه والحنان .. إلخ


-------------------------------------
طنشي ياروحي زيه وكوني غامضة مثل ماعلمتيني اكون غامضة
أنا كذا معاه ،.
و عشان كذا بأقول لك من زمان ، لا تكوني مكشوفة أمامه ..



--------------------------------------
انسيه من بالك حتى لو تغيرك مااثر فيه شى تاكدي انه بيحس بتغيرك يصحصح
برود الرجل يقتل اي امراة مهما كانت شخصيتها بس روووح انتي قدها وقدود
بكييييييييفه من جد ،.
و أنا بأكون من اليوم عند اتفاقي اللي قلته له في الغربة ..

بأجلس شهر عند أهلي ، وو إن ما جاء بيت و أثثته و سيارة
بكيفه ، هو الخسراااااااااااااااااااااااااااان ..
ماا بأتحمل نتايج طيشه في الغربة و نومه ..


--------------------------------------
انتي تقدرين تكوني امراة قاسية ظاهرا وهذا لاحظته فيك
احتفظي باللي بقلبك واظهري له الوجه الاخر
خليه يحس انك طنشتي الكووون وبايعتها
صدقيني الي عرفته من تجاربي مع زوجي ان هناك بعض الرجال يعشقون المراة الي بايعتها ما همها شى
ايه هو كذا


روح خليك قوية ياقلبي زوجك يحتاج انه يلمس قسوتك اذا تبينه يتغير
بيشوف كيف ، و الله مرت فترات قسيت قلبي علييييييه ..
للدرجة اللي كان يبكي فيها عشان أرحم قلبه ..

بس عشان أرجع و أصير كذا ، لازم أقفل قلبي ..
و كنت بأعطيه فرص كل شوي ، و دحين بيشوف ..

روح اذا انتي بجده مريني اطلع معك
تكفييييييييييييييييييييييييييييييييييييين