شوفي اختي شاهي ان شاء الله ما تتضايقين من اسلوبي بس انا عندي انتقاد لك..
يعني كونك تحبين الحيوانات او تعشقينها بمعنى اصح ما يعطيك الحق انك تلومين وتستغربين اللي يتضايق منها..
لا تقولين ما لمت احد شوفي ردودك كله تستغربين من اللي يتضايق من صوتها او يقرف منها ونصحتي اللي يخاف منها يتعالج عند طبيب نفسي واكدتي ان مالها ريحه ولا ازعاج وعبرتي عن استغرابك للي ينزعج منها ومن وجودها.. لا ياختي انتي ما تشوفين عيوبها لانك تحبينها والحب اعمى لكن اللي مايحب الحيوانات يتضايق منها واذا هوايتك تضايق شريكك ما يحق لك تجبرينه يتحملها..
انا صديقة عمري اشترت بسه وبدأ عندها هوس القطط وكل شوي شاريه وحده وانا ديني ودين البسس بشكل خاص والحيوانات بشكل عام.. و رغم انها تنظفها وتمشطها بنفسها بالبيت الا ان شعرها مالي المكان وريحة غرفتها لا تطاق باجماع اهلها مو بس انا لان عندها خمس بسس الحين.. بسسها يراجعون عند بيطريين بشكل منتظم وتطعيماتهم كامله وهي والشغاله يتعاونون على ترويشهم وتمشيطهم بشكل مستمر وبرضوه ما اطيق ريحة غرفتها..
كنت ازورها بشكل اسبوعي واضغط على نفسي لاني مارح اخلي بسه تخرب علاقتنا لكني وعلى مدى ثمان سنوات عجزت اتأقلم وكل مرة ازورها اقعد متضايقه وما اسولف براحتي واول ما ارجع من عندها ارمي عبايتي وملابسي اللي كانت علي بالغسيل لاني اقرف..
حبيبتي هوايتك اذا كانت تضايق شريكك يحق له يمنعك لان انا لو زوجي يفكر يجيب اي نوع من الحيوانات رح امنعه لكن لو قرر يقرأ كتب ولا حتى يحب السيارات او الرياضه وينهوس فيها ماعندي مانع لانها ما تأذيني..هوايات صديقاتك اسمحيلي ما تقارن بهوايتك لانها ما تأذي ولا تضايق..
زوجك علق عليك بان تصرفاتك طفوليه.. لا تزعلين مني بس اصرارك على هواتيك واحساسك بانه ظالم لانه ما سمح لك تمارسينها تصرف طفولي بعض الشي.. ان شاء الله تتقبلين كلامي بصدر رحب وماتكبرين الموضوع وتنضجين شوي..
__________________
