دلوعه إذا مافتحتي زين وسمعتي كلام الأخوات والأخ أبو حكيم وأخذتي حقك من زوجك وتركتي الطيبه و الضعف على جنب و بأقرب وقت إذا ماسويتيها تراك رايحه تندمي قد شعر رآسك على غفلتك هاذي
وطيبتك الزايده إللي لولا قدر الله ولطفه فيك كان الله أعلم في حالك الحين و لوعقلك براسك من يوم السبت ماتفتح المحكمه أبوابها إلا وأنت وزوجك أول الناس تدخلونها رجلك على رجله و خليه يتنازل عن نصيبه لك في البيت وهاذا قليل بحقك ثم وش إللي حرام تاخذين نصيبه وخايفه تظلمينه شوفي إذا كان الزوج يسجل
بيته بسم زوجته برضاه مافيها شئ حنا بديرتنا عند أهل زوجي أشترينا بيت وكان حالته حاله وقلنا خلنا نرممه ونزيد فيه كم غرفه على أساس نرو ح نقضي فيه إجازاتنا لأن كل إخوانه يتجمعون عند أبوهم بالإجازات وأنا وزوجي ماعاد أرتحنا في بيت أهله من كثر الزحمه قلنا نضبطه علشان ناخذ فيه راحتنا في الإجازه طبعا البناء ياكلك فلوس وبالذات الحديد والإسمنت زوجي أخذ قرض من البنك و قام يبني بالبيت وخلص القرض والبيت باقي ماخلص طبعا أنا عندي ذهب بحدود أربعين ألف ريال وشريته أيام كان الجرام رخيص فعرضت على زوجي أبيع الذهب ويكمل بناء البيت في البداية رفض وتمسك برأيه قمت أنا قلت له خلاص وأنا مابرو ح إجازه لديره حتى بيتي يخلص بناءه طبعا بشوية ضغط وكلام مني مره زين ومره شين وافق وبعت الذهب كامل بحدود خمسه وخمسين ألف ريال و كملنا البيت و أثثناه وقضينا فيه نصف إجازتنا بعد مارجعنا لمنطقة عمل زوجي جاب لي ورقة البيت الصك و فتحتها لقيته مسجل البيت بإسمي أنا سألته ليش قال خلاص لاتناقشي في الموضوع أنتي ساعدتيني ماقصرتي بعتي ذهبك و أعطيتيني وأنا حبيت أسجل البيت لك بإسمك
وإعتبريه هدية مني لك طبعا أنا في البدايه رفضت وطلبت منه يشرك إسم عياله بالبيت فرفض قال أخاف أسجلهم معاك شركاء لقدر الله وجاني شئ قدامك أخاف عيالك يقسون عليك و يطالبون بقسمهم بالبيت و بعدين أنت تضيعي من بعدي والبيت سوى سجلته بإسمي أو إسمك في النهاية
بيكون إرث لعيالنا من بعدنا وبعد فتره من الوقت رجع لي قيمة فالذهب إللي بعته وأعطيته إياه يوم بناء البيت
وحاولت أرجع له البيت بإسمه رفض نهائيا والحين البيت بإسمي وسجله برغبته وإرادته
رغم ماسمعته من قرايب زوجي من همز ولمز لاكن طنشتهم ولارديت على سوالفهم أبد وإلا ما أنتي لو أخذتي البيت فهاذا حقك وأقل من حقك فأنتبهي لهاذي النقطه وأعيدي حساباتك مع زوجك وأتركي الوهن والضعف هاذا إللي فيك ماراح يفيدك أبد .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله