أخي سفير القروين المسأله هي مو مسألة إن الأب يكون من النو ع إللي يستحق نزول البركه أنا فهمت قصدك إن الواحد يسعى ويتوكل على الله في رزقه حتى ربنا يحل عليه بركته أخي اليوم في وقتنا الحاضر صار هناك بطاله والأسعار نار إذا كان أنا وزوجي
وعندنا خمسة عيال وراتب زوجي الحمدالله والشكر مايقارب 12000ألف ريال وطبعا عليه أقساط للبنك وجمعيات وأحيانا مانقدر نغطي منه تجي فواتير كهرباء وإتصالات و إلتزامات و إيجار بيت حنا عندنا بيت ملك بمنطقة أهلنا أنا وياه بس حنا حاليا بلمنطقه إللي فيها
عمل زوجي ومضطرين إنا نستأجر لأن كل ماجمعناه وكمان تدينا من البنك علشان نبني بيتنا في ديرتنا ونروح فيه أيام الإيجازات وياليتنا فكرنا وأخذنا بيت لنا في منطقة عمله
كان أحسن لأن الإجازات مانروح لديرتنا إلا بالسنه مره وأحس إنا ما أستفدنا منه بشئ
وكان وفرنا الإيجار على أنفسنا
بس خلاص إللي صار صار
طيب إذا كان هناك فرد وراتبه ثلاثة آلاف أو أقل من كذا
هل يستطيع أن يعول أسره مكونه حتى من أربعه أشخاص في وقتنا الحاضرمستحيل لأن الظروف صعبه في الوقت الراهن تجد شاب مستواه جامعي وهو موظف حارس أمن براتب 1500 ريال أو 2000ريال فهل هاذا الراتب يكفيه هو شخصيا أو أن يعول به أسره مستحيل وهناك بعض الأسر هداها الله تجمع مافوقها
وتحتها وتقوم تزو ج ولدها هاذا
ويكون عاطل أو باقي يدرس وبعد مايتخر ج مايحصل وظيفه طيب زوجته لوجابت له طفل واحد فقط وهو عاطل بدون وظيفه وساكن عند أهله وبعدها صارت بينه وبين أهله مشاكل وطردوه هو وزوجته من البيت والرجل حايس لابيت ولا وظيفه وفي رقبته زوجه وطفل وش يسوي حتى لو أهله وفروا له السكن وقالو ا له تدبر
أنت أمور معيشتك ودور ومالقى شغل أو حصل شغل بس مايغطي مصاريفه وأضطر للإستدانه ومن ثم ثقلت ديونه
وطالبته الد يانه بحقوقهاودخلته السجن طيب و بعدها ضاعت أسرته وبعد مايطلع من السجن طبعا إماتدفع عنه الدوله أو فاعل خير يتبرع بتسديد ديونه
وبعدها يطلعوه من السجن طيب إذا جا بيتوظف والناس تدري إنه كان مسجون فماراح تقبل فيه أي وظيفه وأنا الحين لو شرحت ماراح أقدر أخلص
شرحي وكلامي وأنا شايفه أناس كثار من هالنماذج والأمثله فيا أخي لايروح فكرك بأني أنا أمانع الخلفه أو الإنجاب لا ترى أنا مخلفه خمس عيال وأسرتنا كلها ولاده وأنا أقل وحده فيهم مخلفه هالعدد وأمي الله يرحمها جابت 12طفل غير ثلاثة توفوا وأختي أكبر مني جايبه عشرة عيال والثانيه جايبه ستة عيال وأخواني أقل واحد جايب سبعه عيال والكبير جايب عشرة عيال ماشاء الله تبارك الله عيالنا جيش لحالهم وأكثرهم ذكور وكل أم حاملة مسؤليتها تجاه عيالها والله إن عائلتنا على كثرها مادخلنها الشغالات أبد والحمدالله كبروا واليوم كل واحد في وظيفته متزوج وعنده عيال ومستقر وحياته ممتازه
فأنا لا أمانع الإنجاب أبد فهاذا رزق من رب العباد ولاكن يا أخي كل شخص حسب ظروف معيشته لاكن هناك أناس الواحد يخلف درزن عيال ولو إبنه طلب منه ريال يشتري له بطاطس أو بسكوت قال له ماعندي لقلة ذات اليد طيب وش ذنبه هالطفل يشوف الأطفال يشترون وياكلون و يلعبون و يلبسون قدامه وهو محروم من أبسط الأشياء بسبب الماده ولو كبر وش بتكون ردة فعله وكيف بتصير نفسيته وطريقة تعامله مع الناس وهو عاش في مثل هالحرمان أول صفه بيتعلمها
هي البخل نعم لو الله أنعم عليه وكبر بيصير بخيل على أسرته خوفا منه إن إللي عنده يخلص ويصير فقيرمثل أبوه والقسوة يصير قاسي على أطفاله إقتداء بأبيه طبعا غير أشياء كثيره وسلوكيات بينتهجها في طفولته ومنها السرقه قد يلجأ لسرقة والعنف حتى يحصل على ما أراده وهاذي أشياء تنتج من كثرة النسل بدون ترتيب وبدون إمكانات ماديه تعين على تربية وتنشئة
أطفال صالحين ومتفوقين في حياتهم بالذات إن الجيل هاذا يختلف عن الجيل السابق فهناك اليوم طلعت لنا أشياء نحن لم نكن نعرفها في السابق ولاتربينا عليها اليوم الطفل يحتاج تربية وإهتمام ورعاية ورقابه من الوالدين زمان كان الواحد يخلف عشرة أولاد ويطلعو ا الشارع يلعبوا ويتعلمون دروس في الحياة ويكبروا ويصيروا رجال لاكن الحين لوعندك ولدين ماتقدر تطلعهم الشارع تخاف عليهم من البلاوي إللي برى ياأخي أنا أذكر زمان كان إخواني لوطلعوا الشارع وسو غلط أو أي شئ كان يجي جارنا كبير بالسن يصيح عليهم ويهددهم بالضرب وكان يقول لأبوي عنهم وكان إخواني يحترمونه و كان الوالد يعاقبهم على غلطهم وكان جارنا هاذا يشوفنا مثل عياله لاكن الحين لو يغلط طفل بالشارع وجاه شخص كبير ينصحه ياولدي لاتسوي كذا هاذا غلط ومو بزين لك يرد عليه وأنت إيش دخلك فيه بكل وقاحه ويكيل له الشتائم والسب ولو راح الرجل يشكي لأبو الولد قام أبو الولد زاد الطين بله أنت وش دخلك بولدي أنت تاعب وتصرف عليه علشان تجلس تتكلم عليه قدام الناس شوف ترى هاذي المره بعديها لاكن المرة الجاية لاتلوم إلا نفسك مسكين هلجار الناصح يقوم من عنده وكله ندم وحسره إذا كان رب البيت لدف ضاربا فشيمة أهل البيت الرقص .
أطلت عليك يا أخي فالمعذرة جزاك الله خير وكثر الله ذريتك ونسلك وجعلهم الله هداة مهتدين ورزقك الله محبتهم وبرهم اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله