زوجي نفسيته تعبانه جدا ويرفض الكلام
السلام عليكم ورحمة الله وبركاته
كيفكم اخواني واخواتي
اتمنى تكونو بافضل حال
اليوم جيت اكتب مشكلة مرة تاعبتني ومو عارفة اتصرف
انا حاليا عند اهلي ومارح ارجع للجمعه الى بيتي وطبعا زوجي مو معي والسبب انو امي حبيبتي مسويتلي استقبال عشان تزوجت وحفله كبيرة يوم الخميس يمكن تقولو ايش وداكي من الحين
لان اخوي كان عندي وراجع يوم الجمعة وزوجي قالي انزلي لو تبغي معاه انا مشغول مارح اقدر انزلك ومنها تغيري نفسيتك
المهم انو جيت الجمعه
امس كتبت باخبار الاعضاء انو ثنين من اصدقاء زوجي توفو بحادث مريع لدرجة انو واحد من اصدقائه مو قادرين يتعرفو عليه من بشاعه الحادث ربي يرحمهم
زوجي نفسيته منهاااااارة بالمرة ماقاعد لاياكل ولاينام ولا شي لانه الله يهديه دخل البرادات عشان يحاول يتعرف على صديقه وطبعا انصدم من المناظر ربي يرحمهم
وحتى مايرضى دايما يرد على اتصالاتي ولوووو رد يقولي مشغول بعدين ااكلمك ومايرجع يتصل
خليت خواته يتصلو عليه مارضي يرد ولا يرسلهم مسج مشغول اكلمكم بكرة مو فاضي ولايتصل
حاولت اتكلم معه بالموضوع وانه قضاء وقدر يقولي عارف ولاتتكلمي بالموضوع ويسكت ومو عارفة الحل؟
تمنيت اني ماجيت عند اهلي وضليت معه بس ماينفع الندم
لاتقولولي حاولي تكوني باتصال دائم معه او ارسليلي مسجات تذكره انو قضاء الله لاني ماخليت طريقة عشان اخليه ينسى شوي
ماقــــــدرت
نفسيتي تعبت من كثر مو مدايقة على حبيبي
احيانا اقول يمكن لازم اتركه مع نفسه شوي
ياريت تفيدوني ايش احسن حل وكيف اقدر اساعده واخفف عنه؟ |
__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب