المشاركة الأصلية كتبت بواسطة سها11
السلام عليكم..متشكره انكم رديتوا عليه..
هوة قالى انى الوضع كده على طول..انا حاسه انوا انانى شويه..
المشكله انوا بيقولى ماتسيبنيش..ولو لمحتله فى مره انى ممكن استغنى عنه..طبعا انا براعى دايما مشاعره..يخاف زى الطفل ويعاتبنى ويستسمحنى ويقولى هوة ولاد الناس الطيبين يعملوا كده..بحس انى متدمر..وساعات بيقولى انا صعبان عليه نفسى..ماتتخليش عنى..
طيب انا خايفه على مشاعره..وهوة عمرة ما فكر فيه ولافى مشاعرى.. مش حاسس انى ضحيت بكل حاجه عشانه..عايزة اعرف هوة بيعاملنى كويس عشان خابف ابعد عنه..ولا لئه..فى نفس الوقت هوة متدين..عشان كده احيانا بقول قدرى واستسلم..
فى نفس الوقت انا مش حاسه انى اتجوزت..اول ما حد يقولى فين جوزك..استغرب للكلمه دى..حاسه انى مش متجوزة..او حد يقولى حماتك.. بردو احس انى الكلام دا مش ليه ..
حتى هوة ..بيقولى دا بيتك واهلى اهلك..اقوله لئه انا ماليش بيوت ..انا ماليش اهل تانين غير بابا وماما..بحس انهم كلهم خدعونى..مش عارفه احبهم..حاسه مجرد انى اتنقلت من مكان للتانى وخلاص..
فى نفس الوقت لما بيخرج بره البيت ويتأخر شويه..ببئه متلهفه انى اشوفه واطمن عليه..انا فعلا بحبه وما اقدرش استغنى عنه..
اعمل ايه مش بعرف اجرح مشاعر الاخرين هيه دى مشكلتى..احيانا بقوله ياريتنى ما كان عندى قلب..
انا قولتله انا عايزاك زوجى فى الجنه..
احيانا لما بعلى صوتى عليه هوة طبعا مش بيحب كده ولا انا ..لس انا بعمل كده من الى جوايه عمرى ما كنت اتصور انى هكون كده فى يوم من الابام..هوة قالى كلمه مش هنساها..قالى اصلك لسه ما اتهديتيش..لسه صغيره..
تعبت من الكلام وحاسه انكم هتقولوا عليه متناقضه..
انا بس مشغوله اليومين دول..ادعولى انى اخلص دراستى العليا هانت..بعدها عايزاه اسافر..يمكن الدنيا تشغلنى ..ساعات بفكر اقول مش مهم اعيش لنفسى ممكن اعيش عشان غيرى..هيه الدنيا ايه غير ايام معدوده..
|