جزاك الله خير على نظرتك العاااادلة جدا ..

والله هذا الكلام اللي كنت ودي أقوله لكن خشيت ان افرق بين شاهي وزوجها .. فقلت دام إنها تقبلت سلوكه

بلاش من الكلام ..

وحقيقة أعجب من الأخوات اللي حملوها الغلط ؟؟؟!! ويقولون لها ليش ماأهديتيه من الأول وعودتيه على الهدايا

واللي يقولون جرحتي كرامة زوجك .. وهو يبغى يحس برجولتة ....

يالنااااااس هذا منطق ..؟؟!!!

ولو كانوا مكانها اعتقد بيختلف حكمهم .. لكن يبدو لي انهم ربطوا مواضيعها ببعض واصدروا حكم عااام ..

ولنفرض أن كلامهم صح .. يعني مو متعود إنها تهدية ,, طيب عوضت كل هالهدايا بهدية وحدة سياااااااااارة ..

هذا مايدل على حبها وسلامة نيتها وإهتمامها ,, يعني لو كان فعلاً حس إنها مو مهتمه تهديه ..

يعني ردت هداياه اضعاف اضعاف .. للي تقول هو يهديك ولا مرة فكرتي تهديه ..!!

أما اللي يقول هي جرحت كرامته .. سيارة تجرح الكرامة معقووولة ..!! اشوف الناس بتموت على المسابقات اللي

فيها سحب على سيارة .. ولا قالوا فيها جرح كرامة ...!!!

مافي سبب للتصرف إلا ربما ربما يكون غييرة منها .. وكثير يغارون من زوجاتهم ..!!

بدون مبالغة أقول إني من بداية حكاية شاهي وانا معجبة جدا بشخصيتها العفوووية والطفولية مع تعقلها الكبير

و ردود أفعالها مقابل مشاكلها ردود ذكية ... ( تحب نفسها وتحب غيرها ) وهذا اللي خلا البعض يتحامل عليها

لأنا تعودنا على النصائح التقليدية اللي تضيع حق الزوجة ..


ونقطة أخيرة حبيت أوضحها :

لقت إنتباهي رد شاهي على أحد الأعضاء عنها لما قال لها إن زوجها يخجل أن الناس تعرف إن السيارة منها ..

قالت له شاهي : لا يقول إنها مني ........ ما ادري إش تعتقدون هذا يدل عليه ؟؟!!!

__________________
إذَا هَاجَتْ أَمْوَاجُ الْفِتَنِ ، و تَمَزَّقَ شِرَاعُ الثَّبَاتِ ؛ فَتَأَرْجَحَ قَارِبُ الإيمَانِ مُؤْذِناً بِانْغِمَاسِ القَلْبِ فِي لُجَجِ الظُّلُمَاتِ
نَــاج ِ { لاَ إِلَهَ إِلاَّ أَنْتَ سُبْحَانَكَ إنّي كُنْتُ مْنَ الظَّلِمِينَ }