اقتباس:
المشاركة الأصلية كتبت بواسطة ][ لمني بشوق ][
حبيبتي صابرة .. كل شيء بصوب .. والجملة هذي بصوب ...لا تكرريها .. خافي الله اختي ..
الحين نجي للجد ... انا ما اعرف ليش الانسان يحب التعقيد في كل شيء .. ويجيب الهم لنفسه ..
حالتك للاسف انتِ السبب فيها ... اتمنى ان تأخذي بنصائح الاخوة والاخوات السابقة بجديه اكثر ..
تعلقك المجنون بزوجك سببه إنك فاضيه .. وما عندك شيء يشغلك .. تبين حل سريع ومفيد لحالتك ؟ تقربي من الله
فكري في النعم اللي انتِ فيها .. الحياة مو بس انتِ وزوجك .. الحياة طاعة وعبادة وعمل خير وزيارات وصلة رحم
وناس غيركم تقضين وقتك معاهم .. حلو انك تحبين زوجك لكن اسألي نفسك : هل حالتك ترضي رب العالمين ؟
تخافين ان زوجك يفكر بوحده ثانية غيرك ... للاسف تصرفاتك بتبعد زوجك عنك ..
أحس احيانا انك تحتاجين لزيارة طبيب نفسي يمكن بإذن الله العلاج عنده .. فالغيرة الشديده والشك وعدم تحكمك
بمشاعرك كل هذي الاشياء محتاجه لعلاج ..
تعرفين صابره .. اختي زوجه ثانية وكانت حالتها مثلك ولكن بخفيف شوي .. وغيرتها كانت تقتل .. انا انقهر منها فكيف
زوجها ... وزوجها كان منفصل عن الاولى ... لكن تصرفات اختي خلت زوجها يرجع الاولى ويهرب من اختي لها ..
لكني علمتها الصح من الغلط وكيف تتصرف علشان ترتاح ... والحين والله العظيم وهو شاهد علي إنها ما شاء الله
مرتاحه جدا معاه .. والغيره السلبية اختفت .. وحتى التعلق الغريب اختفى .. وزوجها يعشقها ويقضي اغلب الاوقات
معاها ...
القصد حبيبتي انك تنتبهين لنفسك شوي ... حددي لنفسك شهر مثلا ... وانسي زوجك والعالم كله .. وركزي على نفسك
تقربي من الله .. تقربي من الله .. تقربي من الله .. هدي نفسك بالقرآن .. احرصي على قيام الليل وادعي ربك يعينك ..
ارجعي لصابرة اللي عايشه حياتها من غير تعقيد .. الزوجه الاولى لها نصيب والزوجه الثانية لها نصيب والثالثه
والرابعه نفس الشيء .. الانسان كل يوم يكبر .. والحياة كل يوم تقصر .. اذا الحين انتِ مو ناوية تخفين الغيره والشك
والتصرفات هذي .. فمتى ناوية ؟ لا تقولين ما اقدر اتحكم بمشاعري .. الله سبحانه وتعالى ورسوله الكريم عليه الصلاة
والسلام .. علمونا أمور كثيره ..نقدر من خلالها ان نحل اكبر المشاكل في حياتنا .. استغلي كل لحظة في حياتك اذكري
فيها الله .. وافعلي الخير واسعدي اللي حولك .. اذا تحبين زوجك وتموتين فيه المفروض ما تضايقينه بغيرتك القاتله
وشكوكك وتصرفاتك اللي تضايقه ..
وكلمة أخيره اشدد عليها وانا متأكده منها : اذا صلحتي وقويتي علاقتك مع الله .. بتشوفين ان مشاكلك كلها بتنحل بإذن
الله ... حتى على الهم بتقولين الحمد لله ... وبالنسبة لزوجك .. أنا أشوفه ما شاء الله تبارك الله .. صبور وطيب وعاقل
لو واحد ثاني كان ما تحملك يا صابره ... حاولي تطبقين النصائح اللي تجيك مني او من الاخوان والاخوات ..
الانسان ما يجلس مكانه ويقول انتظر الله ينزل لي الرزق من السماء ... الانسان لازم يسعى .. تبين مشكلتك تنحل ؟
اسعي .. واجتهدي .. والله يفرج همك ويعينك ويسعدك ويرزقك كل خير يارب .. |
صدقيني كتبت لك صفحة وفصل النت
كل كلامك على العين والراس وعين العقل
بس انتي تقولي زوجي صبور
اعطيني احد يحبني مثل حبي لزوجي واصبر صبورة العمر كله
صدقيني انا نفسي تتوازن عواطفي وارتاح
صدقيني نفسي اتغير
__________________
اعضاء المنتدى جمعني الله بكم بالجنة