اقتباس:
المشاركة الأصلية كتبت بواسطة تالينااا
ياصبورة ياحلوة انتي قومي اضحكي وفرفشي ترى والله الدنيا ماتسوووى
يلا ورينا الضحكة الحلوة ، امسحي دمووعك مانبغى نشوفها ، تراها مو لايقة عليك ابد
مايليق عليك الا نشوف اسنانك اللولو ، ولا ماتبينا نشووفها 
بالنسبة لضرتك والله كم مرة ودي اسألك عنها بس كنت اقول دام البنت مو شاغلة نفسها فيها بلاش افتح عيونها عليها وازود الغيرة بقلبها
بس فعلا كان يهمني اعرف حالها وردة فعلها من زواج زوجها عليها
اللي فهمته من كلامك انها اعطته الحرية لدرجة خلته يحس انه مهمل من زوجته
بالنسبة للتمثيل صدقيني ردة الفعل الاولى تكون حقيقة ، لكن بعد كذا تهدأ الزوجة وتبرد ، وتصير افعالها عبارة عن محاولات لجذب الزوج لها من جديد
موضوع الانسحاب والرجل اللي يحبوه امرأتان ، اقولك حبيبتي انتي شوفي نفسك وش تبي؟
اسألي هذا السؤال لنفسك انتي
هل الانسحاب بيريحك؟
هل حرمانك من الرجل تماما ، اريح لك من عطاء نصف رجل؟
احسبيها بعقلك حبيبتي ، وطبعا قبل كل شي استخييييييييييري مرة واثنين وعشرة
صبورة حبيبتي ،، انتي كم عمرك؟ |
بس مثل ماقلت لك انا طفلة في جسد امراة
تالينا انا فعلا اعاني من كثير امور
احس حالي مذبوحة بسكين مصدي
احيانا اطرح على نفسي سؤال ليه انا قبلت بمتزوج
ليه انا اخترت هذه الحياة وانا ماكنت اعرف ان الحب بيوقعني كذا
واحيانا اقول النصيب
صدقيني يوم لقيت جواله مشغول وجلست ابكي غصب عني
الي يصير لي من شك شى خارج عن ارادتي
تالينا انا ماصرت اقدر اعيش مع نصف رجل
هذا كنت اقدر عليه قبل الحب
تالينا انا اعشقه تدرين وشو العشق وقسم بايات الله اكتب لك وابكي
تخيلي ابوسه وهو نايم واتحضن فيه واذا صحى من النوم يعورني قلبي
اذا جا الصباح وصحى من فراشي احس اني بموت
تالناااااااا انا قطعني الحب
قطعني
قطعني
مدري ليه اخته مدحتها عندي
وقالت لي انها صارت تلبس وتحط مكياج
شوفي وقسم بالله وبدون فخر على الله لايمكن توصل اناقتي ومتاكدة من كذا
ولحد الان اقولك ماغار من زوجته
بس اغار عليه من الظروف الي حطتني شريكة بمن احب
وليش يوم قابلتني تضحك وتسولف وتقوله باقي لك اثنين وتصير متولي
والحين تبكي عند امه وميتة غيره
ليه تكلم خطيبته وكانت على علم ان زوجها بيتزوج والحين قامت تنهار
وانا وقسم برب الكون ياني مقدر مجرد خيال ان زوجي بس يناظر بوحدة فما بالك يكون عندي علم بزواجه
هذا الرجل الي في حياته امراتان وكلاهن يحبونه
انا اغار على زوجي من انها تحبه اكثر مني
فهل ياترى من فينا فعلا تحبه
فاذا هي فعلا تحبه اكثر انا انسحب من حياته
بعدين قالت لي لا تطلبي منه يجب لك بيت في الوقت الحالي!!
لاني حاليا جالسة بشقة مفروشة يعني كل اكلنا برى
قلت لها انا ماطلبت منه شى وشايلة عنه مصروفي وكل شى
ومقدرة ظروفه وماعتقد انه بيحصل وحدة تصبر عليه زيي
تخيلي قبل فترة كنت اروح كوافير كل ثلاث ايام وكان يضايق مع العلم اني ماطلب منه
الحين صرت اروح كل اسبوع
قبل يومين يقولي انتي مو كل مرة تروحين حاولي تصلحي في البيت بنفسك
قلت له طيب حبيبتي انا اروح عشانك
والله يالتالينا اذا شاف بس مجرد شعرة طلعت يقووول يووه وش هذا يعني شديد الملاحظة
طيب انا اروح واتزين عشانه وماني مقصرة بشى
ولا اقوله عطني
لاني لو اقوله عطني مصروف كوافير كل اسبوع بيطفش ويقولي لا تروحين
فاضطر اخذ من عندي
وكل هذا عشانه
ميزانية كريماتي وعطوراتي ومكياجي بالشى الفلاني وكله مركة والمصيبة اني تعودت على الشى هذا من صغري صعب انتي اتخلى عليه الان
مايمديني اجمع ولا قرش لاني وين ماروح اصرف بديرتي هنا حرق بالفلوس
وطبعا اذا جلستي فترة عند اهلك وبتجينه لابد تغيري من ملابسك وكريماتك وعطوراتك وكل شى
وكل هذا يباله فلوس
انا ماادور سبة للطلاق يا تالينا
بس احس اني مع كل هذا ماني مسوية شى
لا انكر ان اهله يحبوني واخته تحبني بس ماني عارفة ليه قالت لي هالكلام
تالينا انا تعبت من كل النواحي احس ان الحظ ماهو محالفني بالزواج
الاول طلع عقيم وخبى عني وضيع لي من وقتي وحياتي بس هذا ماتحسفت عليه ولانزلت نص دمعة عليه لاني عمري ماحبيته
وهذا احبه اموت فيه بس احس ان الظروف كلها ضددي وضدده
__________________
اعضاء المنتدى جمعني الله بكم بالجنة