اقتباس:
المشاركة الأصلية كتبت بواسطة صابرة بدنيتي
تسلمين حبيبتي
كلامك ترى صحيح
بس انا الي عايشة بغفلة
لفت انتباهي يوم تقولي وش قدم لك حتى تحبيبه بهالصورة المجنونة
مدري ولا عندي الجواب
اخته الحين طلبت تشوفني وحلفتني بالله ماقول لاخوها الي قالت لي
واعتذرت
واكيد بيحس بتغيري عليه بس انا عشان حلفتني بالله ماراح اقوله شى
بس بساله هل فعلا تزوج قبلي ولا لا
الشى هذا مرة يهمني
احس ان زوجي كان يتزوج بالسر ولا حد درى عنه باتفاق مع زوجته الاولى
تبين الصدق ؟
قلبي مايعرف الكره بس هالانسانة كرهتها
تمشي معاه وتسايره وبالاخير يوم تزوجني تقوم تنوح
عجبا لهذه المراة
صدقيني لو زوجي متزوج اللف زواجة بالسر ترى زوجته السبب وهي من سمحت له
صح انه ماضي مو بوقتي بس يهمني هذا الانسان هل لهالدرجة يتبع شهوته
نظراته يوم اشوفه يطلق بصره فسرتلي كل شى
والله من بكاء امس وجهي وعيوني مورمة وماني عارفة اشلون بقابلهم
حزن الكون بملامحي
انا ضايعة صدقيني بس مصيري بتغير
دوام الحال من المحال
ارجوك ادعيلي على قد ماتقدرين
واسال الله ان يرزقك الزوج الي تقر به عينك ويكون حظك احسن منك
|
ولا تشوووفينها ولا تقابليــنها
اعتذري بأي شي
ترى شوفي إذا شفتيها توقعي حجي يديد وهم أكبر
ولا تسألينه لا تزوج من قبل ولا شي
الموضوع سكريه وسدي بابه
ولا جنج سمعتي شي
صدقيني لا توزين وتفكرين وتخلين ف بالج شي ماضي
ولا تسمعين كلام أي أحد
ولا تفتحين معاه الموضوع أبد ولا جنج سمعتي
ولا تصيحين وقفي هالدمووع
تراها غالية على قلبي أكثر مما تتصورين
بس وقفيهم واستريحي شووي
وهدي بالج وصلي على النبي
توضي وصلي لج ركعتين وافتحي القرآن واقريه ياعمري
وربي بيهدي بالج إن شاء الله
وآنا والأخوات معاج يا قلبي
دعواتي لج ما تنقطــع بس انتي قوي قلبج ياحلوووة
أحبــــج
__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )