اقتباس:
المشاركة الأصلية كتبت بواسطة موت النخيل
صابره بدنيتك الله يشفيك ويسهّل الحمل لك ويرفع عنك ما ابتليتي به
متابعه لبعض مواضيعك وردوك والصدمه ان كل ما عقبتّي برد زاد الطين بله واتعبك اكثر ويفاجئنا اكثر
ساعات الواحد يحتاج كف علشان يفوق وانت اسمحيلي تحتاجين الف كف
صابره اشوف فيك شخصيه عقلانيه بس وش الفايده لا جا على محيطك انت صارت تصرفاتك مافيها
شي من العقلانيه لاتقولين الحب الحب عمره ما يخنق صاحبه نهائيا
تقولين ومن الحب ماقتل وانا اقولك من الوحده ماقتل
الاحظ انك معيشّه نفسك انعزاليه مع انك شخصيه تبدو لي اجتماعيه وتحب الجمعه والوناسه بس انت مقوقعه نفسك في محيط الكآبه والكدر والانتظار والشك وهاللي تسمينه حب والتفكير في المجهول!
غير كذا انت عارفه انك بمشكله وعارفه الحلول بدليل انك تأيدين كلام الاعضاء ومدى صوابه وبعدها
ستوب مع الاصرار على عدم التنفيذ! ليه تعيشيّن نفسك دور الضحيه وانك مسلمّه لواقع تعيشينه وكانك
تنتظرين الخطوه الجايه كيف بتكون علشان تتقوقعين اكثر واكثر
اللي زاد عليك شغلتين
الاولى ان زوجك جلس فتره عندك وشفتي تغيير بروتينك وبلمح البصر رجعتي لطبيعه حياتك الكئيبه اللي
معيشه نفسك فيها من دموع وشك اللي تبين انك شخصيه مهزوزه فقدت الثقه بنفسها ولا تقولين حبه سيطر علي اللي يحب يعيش بثقه ويكون واثق من تصرفاته وقدراته وامكانياته, والشغله الثانيه مكالمه اخته لك
عزيزتي
بالنسبه لاخته انت من نفسك ماقعدتي تسالينها عن زوجك وحياته قبل؟ بعدين هي استرسلت؟
لاني استغربت من اخته ليه هالوقت اللي فكرت تقولك ليه مو قبل عن خطبته وزواجه ووش هدفها اذا بالاخير ماراح تطلع بشي من كلامها ؟
ليه خليتي كلام اخته بين عيونك ليه تفكرين فيه 24 ساعه هذا بيزيد نفسيتك دمار وليه كلمت وليه قالت
واكيد من زوجته خلاص شي وصلك وهي وّنيتها.. وانت مخيره تاخذين به او لا مع انك المفروض تردين عليها ان هالشي يرجع لك انت وزوجك وتقررون من انفسكم واللي كاتبه الله بيصير
يا حياتي كل هالاشياء وتسليمك لها تحسسك ان حياتك مع زوجك على شفير الهاويه بدليل تكرارك
ممكن يتزوج علي ممكن يخون واتمنى الموت بسم الله عليك
تحتاجين انك تواجهين نفسك لان كل شي انت تسوينه يرجع عليك بزين وشين
تصرف زوجك معك وسؤاله عن التجديد قد يكون نتيجه تصرفاتك اللي قد تكون ممله ومنفره فيستغل هالشي
للابتعاد وللعوده بعد اشتياق بعد فتره وتتوالى وتتكرر ولكن لمتى ؟!
لاتغيرت بعض سلوكياتك اللي انت شايفه ومقرّه انها قد تدمر نفسك وزوجك وبيتك قبل مايشوفها زوجك
بتتغير حياتك بشكل جذري وتذكري كل ما تقوقعتي اكثر كل ما خسرتي والعكس صحيح
الله يوفقك ويسعدك ويحبب زوجك فيك اكثر وتظلين ماليه عينه ان شاء الله
اختك
موت النخيل
|
حياك الله اختي موت النخيل
واشكرك على نصايحك
انا فعلا مشتتة ولاني عارفة وين ربي حاطني فيه
واي شى صار ياثر فيني
انا ماسالت اخته عن زوجي هي بدات تسولف عن زوجته ومن ذا الكلام
واني انا ليش ماسوي زيها واخليه براحتك ولا اساله وين راح ولا وين جا
قلت لها اذا تعود هالشى من الاولى انها ماتسال عنه لو غاب شهور
انا مقدر اكون زيها
لاني كذا ولايمكن اشبه احد او احد يشبهني
وتبين لي انه ممكن زوجي تكلم مع اخته عن مشاكلنا مع بعض
هي كيف عرفت اني انا ادقق معاه
باينة السالفة وباين ان الكلام الي قالته لي كان لازم يوصلني سواء الحين ولا بعدين
مدري وش اقول عنه الحب ولا التعلق خلاني انعزل عن الناس
صحيح اني اجتماعية واحب الناس واحب الوناسة
بس مؤخرا صرت اشرد من كل الناس
انا بديرة زوجي مالي احد الا اهل زوجي وصديقة او صدقتين
بس عشان وضعي مقدر اعزم الناس عندي ولا ابي اروح لهم
لاني مثل ماروح لهم لازم يجوني ويبادلوني الزيارات
وضعي الحين مايسمح
__________________
اعضاء المنتدى جمعني الله بكم بالجنة