قبل شوي مرني زوجي
طبعا الليلة بايت هناك بحكم انه جابهم من السفر
المهم موده مش ولابد
ضايق خلقه مدري هل من البكاء الي بكيته امس يوم لقيت جواله مشغول ولا شى ثاني
الله يستر من الي جاي مرة ثانية
عموما سالته قلت له ابيك تصارحني الحقيقة ماقدرت اسكت
قلت له كم مرة تزوجت؟
قال:شنو هالسؤال
قلت ابيك تصارحني ارجوك
قال وش الطاري وش الي صار
قلت ابد ماصار شى بس ودي اعرف
قال مرتين الاولى ام عياله
والثانية انا
المهم سكت
حاول يعرف وش الموضوع قلت له مافي شى
انا ابي منكم طلب واخر طلب بطلبه منكم خواتي
ابي من الان اتعلم اشلون افصل حياتي عن زوجي واعيش سعيدة سواء معه ولا بدونه
انا تعبت من هالتعلق
تعبت من اني ابوسه وهو نايم واتغزل فيه وهو صاحي
والله حتى كلمة وحشتيني ماقالي من جا
حيته وجلست على ركبته وقلت له حبيبتي ماوحشتك؟
قالها ببرود
واحس ان الوضع بيرجع يتغير لمن جات زوجته
كيف اتغير وكيف اقدر اخليه جزء من حياتي وليس محور حياتي
اشلون امسك نفسي معه واحنا بسرير واحد
مابي احضنه باليل لانه هو مايحضني اذا جاه النوم عطاني ظهره ونام
مابي اتعب يوم يروح عني ابي اعيش حياتي عادية واعتبر روحته عني اجازة منه مو فراق وعذاب ودموع
كيف مابين له غيرتي كيف اكبت نفسي امام اي موقف غيرة
ابي اتغييييييييير صدقوني انا تعبت
تالينا انا لازلت انتظر حلك بس انتي مارجعتي لحد الان
روح الطير ذكريات شيخة كلكم ابيكم هالمرة تعطوني جهدكم عشان اتغير
لاني انا الان احس لاني لازم اتغير باي شكل من الاشكال
ارجوووكم مالي الا انتم بعد الله
ياعالم اذا ناظرت بعيونه احسه يجذبني واضيع
اذا حضنته احس اني مابي افكه
طيب الي متى
الي متى
ليه هو مايتعلق فيني مثل تعلقي فيه
انا ابي اتغير
ابي اهتم بنفسي وبس
ابي اعيش لنفسي وبس
انا وبس
بس دفوووووني تكفووون
__________________
اعضاء المنتدى جمعني الله بكم بالجنة