منتدى عالم الأسرة والمجتمع - عرض مشاركة واحدة

13-02-2011, 10:51 PM

شيخة البنـــات

عضو نشيط

تاريخ التسجيل: Dec 2010

المشاركات: 179

مرحبا حبووبة ,,

موضووع حلو صراحة تشكرين عليه

والله شقوولج , كلامج صح وايد من الناس المالكين ( المالجين بلهجتنا )

تشوفينهم كل طرف يحاول يتجمل للطرف الثاني
ناسين أو متناسين إن هالشي مرده بيجي يوم وبينعرف
يعني لما البنت دلع وحركات ونعوومة
وهو تلاقينه يطلع لج فيها حبووب وحنوون وبنفس الوقت جاد
تلاقينهم ما يخططون لباجر
شبيصير وش بيسوون
شنو الأساسيات اللي بيمشون عليها بعدين
يعني الموضوع ياخذونه حجي وسوالف وبس انتهى
طبعا مو الكل احنا ما نقدر نعمم ومافي قاعدة ثابتة ولا مقياس أبدا
ولكن نقول الكثير واللي نسمع عنهم ونشوفهم خير دليل
آنا أعتقد من وجهة نظري إن الأسباب كثيرة
بداية من الأهل يعني دورهم المفروض يكون أساسي في تثقيف البنت والولد
أحس إن المسلسلات والتلفزيون له عامل كبير في بروز هالمشكلة
وبالنسبة للبنات بعد ألاحظ إن تاثير الصديقات وحب المظاهر عامل مؤيد للموضوع
لذلك تلاقين حالات الطلاق منتشرة بشكل كبير !!!
وآنا كل ما أقرأ في هالإحصائيات أنصدم أكثر وأكثر

يعني احنا نقوول المفترض كل طرف يكون صريح من البداية
تجنبا لأي شي بعدين ولصدمات غير متوقعة

ولكن في همن صبايا وشباب ما شاء الله تبارك الرحمن
فاهمين واعين , تلاقينهم يمشوون حياتهم من البداية بتنظيم وتنسيق
فتلاقينهم عقب ما يتعبون كثير ف حياتهم لأن كل طرف عارف الثاني من البداية

احنا في البحرين رغم إن احنا نختلف اختلاف كثير عنكم في مسألة الملجة ( الملكة ) والخطوبة والزواج
و رغم إن عندنا انفتاح أكثر وحرية للمخطوبين أكبر
إلا إن هالشي موجود ومنتشر عندنا وحالات الطلاق مليانة بالمحاكم
والقهر الأكبر الأسباب التافهة اللي يتطلقوون عشانها

مثل ما قلتي حبووبة الأهل لهم دور كبير , وآنا أشوف إن حتى وزارة التربية المفروض
تساعد وتنزل مناهج مساعدة ومبسطة للبنات والأولاد عشان يعرفون ينظمون حياتهم
ومستقبلهم بشكل أفضل

شاكرة لك هالطرح يالغلا ,, متمنية لكل مخطوبين أو مملكين مستقبل مشرق وحياة جميلة

ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )