انا جيييييييييييييييييييييييت
معلش كنت محولة قدام القنوات الاخبارية


حبتدى ارد على ملاك و بعدين نتكلم عننا شوية


ملاك ابوووووووووووووووووس ايدك يا بنتى انتى غاوية تعذبى نفسك؟
بجد حاسة انى عاوزة اجى اقعد عليكى افطسك
يا بنت ربنا يهديكى
انا عارفة اللى مريتى بيه صعب و حاجة وحشة "نفسيا" بس اكيد حاجة فوق الممتازة ربنا عاوز بيها خير ليكى مش عارفينه دلوقتى بس لما يجى الخير حنفهمه و حنسجد شكر لربنا انه عملنا الاحداث كدة لخيرنا
يا بنتى ربنا يهديكى رنة ايه اللى حطاها على موبيلك
انتى بتفكرينى بنكتة مصرية بيقول اخرها "بكرة النكد بكرة"
يعنى انتى فى موقف لا تحسدى عليه بدل ما تساعدى نفسك لأ عيب دا حتى ميصحش لسة سايبة رنة بتحرق قلبك كل ما تليفونك يرن؟!!!!!!!!!!!!!!!!!
يعنى اعمل فيكى اييييييييييييييه؟
اولع فى نفسى يعنى؟
ممكن اتوسل اليكى انك ترحمى "نفسك"
حاولى يا بنتى تساعدى نفسك انك تخرجى من محنتك قوية بايمانك بربنا و صبرك على تحمل المصايب
معلش انا دخلت فيكى شمال بس كل البنات طبطبت عليكى و كان لازم حد يجى يفوقك و ميسبكيش فى النكد دا
معلش انتى عارفانى قطر و مش بيعرف يهدى فى المحطة


ثانيا


احب اهنى كل اخواتى المصريات الخلاص من الظلم و القهر اللى كنا فيه
و احب انى اهمس فى ودنهم اى حد فيكم يلاقى غلط بيحصل ميسكتش و مش حقول اننا نبتدى بنفسنا لانى عارفة اننا كلنا عاوزين نبقى احسن


ملاك ثورة مصر ابتدت من شهر 6 اللى فات لما فى ولد مصرى سكندرى اسمه خالد سعيد الشرطة قتلته
و من هنا واحد ميعرفش خالد سعيد عمله صفحة على الفيس بوك و الناس اتجمعت و بدات تطلع الافكار
تخيلى خالد مات عشان مصر كلها تعيش
ام خالد دى حصلها اسؤ حاجة فى حياتها ربنا عمل حاجة كانت قاسية جدا جدا مش على الام بس كمان على المصريين اللى كانو متابعين الحادثة بس دى كانت الشرارة اللى جابت الثورة و خلصتنا من اللى كنا فيه
فشوفى انتى بقى ربنا ان شاء الله رايدلك ايه؟



الحمد لله الحمد لله

الهم ارحم موتانا و موتى امة المسلمين اجمعين



باقى البنات بحبكم فى الله



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة