اختي ربي يفك كربتك حبيبتي
المشكلة الاولى .. التبول ....
شوفي من رايي ترجعي تشوفي طبيب مسالك بولية ثااني غير اللي رحتي عنده
لانك تقولي انه ممكن اذا عطستي ..ينزل البول و انتي بكرامة
اذا في مشكلة عضوية مو بس نفسية . قد يكون السبب بالعضلة مثلا
ضعف او شي من هذا القبيل .. فايااليت تشوفي طبيب ثاني و رأي ثاني
بس يكون طبيب شاطر و سمعته كويسة .. من الحين لغاية ما تلاقي الطبيب الثقة
اقترح عليك حبيبتي تسوي تمارين كيجل على طول ...
اذا ما تعرفيها دوري عنها في النت .. طبقيها اسبوعين و لا3 و خبريني بتلاقي فرق ولا لا ؟؟؟
عندي صديقة عندها مشكلة قريبة منك .. كانت حتى اذا تقيأت .. طلعت منها قطرات البول.. و بعد الكشف و المعاينة تبين انه العضلة ضعيفة و نصحوها بالتمارين
اللي ذكرتها و الحمدلله تحسنت حالتها كثيييير
المشكلة الثانية ..الاسنان ..
اولا بقولك على شي .. صدقيييني الجمال نابع من جوة الانسان
اذا شفتي نفسك بعين مش راضية .. اذا وقفتي قدام المرايا وقلتي
انا مش حلوة و فيني فيني و فيني .. راح تقتنعي انك مش حلوة
و حتى الي حوليك راح يوصل لهمم نفس الاحساس ..
لكن الثقة بالنفس تزيد من الجمال ..
من اليوم و رايح اذا وقفتي قدام المرايا ... قولي الحمدلله
عندي حواسي كلها صحيحة ... يمكن عندي عيوب ..
بس حسناتي اكثر .. عيوني حلوين .. منخاري حلو
شكل وجهي حلو.. جسمي حلو الخ
ركزي على ايجابياتك .. مش على سلبياااتك
و صدقيييني كل ما كانت نظرتك لنفسك ايجابية راح تحسي
بالجمال و تحسسي الي حوليك ...
مشكلة الاسنان ,, ذكرت مرة بموضوع الاخت بيتا .. عن ابنة عمي
عندها نفس الموضوع وهو بروز الفك العلوي .. و ابوها بحكم انه جراح
عارف المخاطر فا رفض انها تسوي العملية ..
بس بنت عمي ماشاء الله عليها ايجااابية جدا و ثقتها بنفسها كبيرة
بالعكس كانت تعرف مواطن الجمال بوجهها و تبرزها
مثلا عيونها ماشاء الله حلوة.. تلاقيها تركز عليهم في الميك اب
و ترسمهم كوويس .. و بنفس الوقت ما تركز بالحمرة على الشفايف
فا تركيز اللي قدامها يكون بعيونها. شفتي الذكاء 
كانت دايما راضية بنفسها و قانعة بخلقة رب العالمين و مبسوووطة بحالها
و تقولك ام شي الصحة . الحمدلله عندي نعمة البصر و السمع و التفكير
و كل شي .. جت على الاسنان يعني .. و تاخذها بروح مرحة
كانت احيانا تمازحني و تقولي شووفيني مووو قمر 14
و فعلا كنت و لازلت اشوفها قممممممر لانها زرعت فيني هذا الاحساس
و ماشاء الله ربي رزقها بزووج يموت فيها .. تزوجت من طبيب برضو
و اول خطوبتها قالت له صراحة .. تفسي اسوي العملية بس ابي مو راضي
بتخليني اسويها اذا تزوجنا ؟؟ و قابلها بالرافض القااااااطع
قالها انتي بعيوني ملكة جمال
و ماشا ءالله لهم الان 5 سنوات متزوجين و عندهم طفلين و سعيدين
ربي يديم السعادة عليهم .. يحبها و يموت فيها و يمدحها و يمدح
جمالها عالطالع و النازززل ماشاء الله عليهم .. و طبعا محسساه بثقتها بنفسها
و بانها حلوة و ماحد مثلها .. عشان كدا هو برضو استمد هذا الشعور منها و بفعل
اخلاقها الطيبة معاه و تعاملها الاكثر من رائع معاه و مع اهله
يشوفها ملكة جمااال .. وعيونه ابدددا ما تطلع على غيرها ربي يسعدهم
ركزت على ايجابياتها الشكلية و برزتها .. و كمان على خصالها الايجابية
مثلا هي معروفة بذكاها و تفوقها الدراسي و الاكاديمي
اسرته بثقافتها و بمشاركته بكل تفاصيله و بمواكبتها للاحداث اللي تهمه
من سياسة و اقتصاد الخ ...
سامحيني طولت عليك بس لعل و عسى ردي يفيدك
ارجع و اعيد و ازززيييد لا تركزي بسلبياتك ابببدا
ركزي باالايجابيات .. و ثقي انه نصيبك مو مربوط لا بجمال و لا بدلال
ولا بشي .. هو نصييب من رب العالمين
ولو كان الجمال هو شرط الزواج .. كان ما حصلتي جميلات متاخرات
او مطلقات ... و كم من ملكة جمال .. اذا سمعتيها تتكلم قلتي ليييتها تسكت
ادعي الله يرزقك الزوج الصالح الي يحبك لصفاااتك مو لشكلك
و اهتمي بتثقيف نفسك و تطويرها فا هذا اللي يضل و يدوووم
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله