تعوذي من إبليس اللعين ..
و إسمعي هالحديث .. قال عليه الصلاة والسلام : ( أَيُّمَا امْرَأَةٍ سَأَلَتْ زَوْجَهَا الطَّلاقَ فِي غَيْرِ مَا بَأْسٍ ، فَحَرَامٌ عَلَيْهَا رَائِحَةُ الْجَنَّةِ ) ..
تبين الجنة .. ؟!! مشي لزوجك كل اللي يضايقك .. إنت تبغين زوجك مثالي في الصفات اللي تحبينها .. ترى ما ينفع إنك تتزوجين على أمل التغيير .. قبلت فيه من الاول خلاص اقبلي فيه الى نهاية يوم بالدنيا .. زوجك الحمد لله ماعمرك شكيتي من عقيدته ولا عقليته ولا سكرة ولا خيانته .. ولا أي شي يستدعي الطلاق .. انت فكرتي بالطلاق وارتحتي لانك اقلقتي نفسك على شانه .. تكفين خليه على اقل من مهله .. لا تحاسبينه على اتفه الامور .. لا تكونين زوجة نكدية .. هذي جزاته يوم طلع معك من شان تدرسين ماستر .. انا لو منك باعتبره جميل ما انساه طول العمر .. اذا انت تعتبرين زوجك تاخر في ثلاثة شهور في السكن شي مزعج .. اول شي بحطك في الصورة .. لان السنتين اللي كنتي فيها برى البلد تغير البلد كثير .. الاجارات صارت نار .. و الشقق صغيرة مرة تسد النفس .. و محلات الاثاث مثل ما انت عارفة فيها الزين الرخيص والغالي والشين الرخيص والغالي .. الدنيا يبغالها صبر .. عمرها ماجات على الهوى .. ثاني شي .. عندنا واحد ((طينة)) ماهو كسول .. زوجته مثلك و تحسبينها تسكت لا تجي تقول اخوك سوى واخوك فعل حتى تصوري غرفة النوم تفككت لها "سنة" ماجاء على باله يصلحها ولا يغيرها .. تخيلي اشكالهم نايمين في الغرفة ذي .. تكفين ردك الجاي لنا لايكون تبرير لطلاقك منه لان احنا مو مقتنعين باللي تكتبينه ..
التعديل الأخير تم بواسطة أم داليا ; 15-02-2011 الساعة 03:38 AM