المشاركة الأصلية كتبت بواسطة بنت الحكمي

الأخت الغاليه أم داليا بارك الله فيك على هاذا الموضو ع الطيب
وبالنسبه للهديه فتبادلها شئ جميل بين الأزواج والأباء والأبناء والأصدقاء والأقارب والجيران كبار وصغار رجال ونساء ففيها إظهار للمحبه والموده والمعزه في مابين الهادي والمهدى له ولو تلاحظي طفل من أبناء إخوانك أو أخواتك أو زميلاتك تهدينه قطعة حلوى أو حبة علك أو بسكوت
وشوفي كيف ردة فعله تجاهك
كلامك صحيح ..
وشعوره حينها وليس بالضرورة أن تكون الهدية باهضة الثمن لأن الهدية بمعناها وليس بثمنها
أوافقك الرأي ..
وكم من الناس تهدى لهم من شركاء حياتهم وأصدقائهم فلل وأراضي وسيارات وأطقم ذهب وألماس ومبالغ ماليه لاكن ليس لها أي ثأثير في حياتهم ولايحسون بأي قيمة لها في أنفسهم
أتوقع يخافون من المنة ..
وبعض الناس تقدم لهم هدايا بسيطه ورخيصه جدا مثل وردة أو قلم أو زجاجة عطر فسبحان الله لها أثر السحر على صاحبها وتضع أثر طيب في حياته تجاه من أهداه الهدية
لانها تدل على أن المهدي يفكر في المهدى إليه ..
وهناك صنفين من الناس الصنف الأول يهديك لأجل إنه يحبك ويعزك ويهديك لذكرى الحلوه إللي بينك وبينه ولتقوية روابط المحبه والصداقه بينكم وليعبر لك عن مابداخله من حب وتقدير لك وعن غلاوتك عنده.
فاهمة المجتمع مضبوط
أما الصنف الثاني من الناس يهدي الهديه قصده منها التفاخر والمباهات والفشخره أمامك وأمام الناس بأنه أخذ لك هدية كذا بسعر كذا من محل كذا وماركة كذا وأحيانا يقصد بها إحراجك يعني يجيب لك هدية باهظة الثمن وهو عارف إن أنت لاتملك مالا لكي تجلب له هدية ثمنها يوازي ثمن هديته إللي جابها لك ويضطرك للإستدانه لكي تجيب له هدية ثمينه ومعروف عندنا من أهداك شئ لازم إنك أنت تهدية
وتردله هدية بدل هديته
هذي تسمى الهدية بعوض .. يعني أهديك على أن تهدي لي .. وهذي حكمها مكروه ..
وحنا عندنا عاده بالجنوب ما أعجبتني وأحسها تثقل كاهل الناس وهي مثلا عندك زميله وجابت بنت سمتها على إسمك من معزتها ومحبتها لك طبعا أنت لازم تجيبي هدايا من طقم ذهب وملابس وحاجيات للبنت
وعليها مبلغ من المال محترم وحلويات وكيكات وعصيرات وتروحي لها زياره في بيتها وتسلمي على السميه وتعطينها الهدايا وأم البنت تقوم تسوي عشاء من ذبائح ومندي وشاي وقهوه وبعدها خلص الواجب كلن يرو ح بيته وطول فترة مراحل نمو البنت في المناسات والأعياد تتخللها بعض الهدايا الخفيفه حتى البنت تكبر
ولما يجيها النصيب وتتزو ج في ليلة عرس البنت تجيب سميتها طقم ذهب ثمين وعليه مبلغ مادي وباقة ورد وتحضر زواجها وتبارك لهاوتقدم لها الهدايا والبنت بعد فتره من الزواج تاخذ هدايا من ملابس وعطور وحلويات وطقم ذهب وتروح لعند صديقة أمها سميتها طبعا سميتها تستقبلها وتسوي لها حفله وتعزم الجيران والقرايب وتسوي لها غداء وعشاء وتجلس عندها هي وعريسها أحيانا يومين إذا كانت بمنطقه بعيده عنها وبعد ماتخلص زيارتها تروح بيتها وتقوم سميتها صديقة امها بزياره للعروسه في بيتها وتشتري لها أدوات لبيتها مثل غساله وثلاجه وفرن وتلفزيون ومكيفات الأدوات الكهربائيه ككل أو تشتري لها غرفة نوم ماتقل عن 15000ألف ريال وبعدها تنتهي هاذي المعاناة طبعا هناك بعض الناس عندها قدره ماليه تقدر تجيب كذا وأ كثر لأن ماعندها مشكله في الماده لاكن بعض الناس ماعندها والله إن أحيانا يطلعون قرض أو يتسلفون علشان هاذي الأشياء
ونادرا ماتلقين إلا القلة القليله إللي مايبالغون في مثل هالأشياء مثلا أم العروس تعترض على صديقتها وتفهمها إن هي ماسمت بنتها عليها إلا لمعزتها وغلاوتها وإن هالهدايا وهاذي الأشياء مالهاداعي تجيبها أبد وتحلف عليها وبالنسبه إذا كان السمي ولد عندنا يعطونه مبلغ مادي أو إذا كان سميه جيبه مليان يعطيه هدية سياره جديده أنا أعرف إمرأة طلعت قرض من البنك علشان سميتها بنت صديقتها تزوجت ولازم تقوم بالواجب وبصراحه يا أم داليا عندنا تقاليد وأعراف في الهدايا تكسر الظهر
ما أدري ليش البشر تتمسك بعادات ما أنزل الله بها من سلطان .. بالعكس تخالف الدين في الاسراف والبذخ .. و تقديم أشياء لغير وجه الله .. لو يفكر الانسان إن أساس هذي العادة أو التقليد واحد من البشر أو إثنين أو خمسة تعاملوا فيها في وقت معين لظروف محددة و ماتوا و إندثر عصرهم لاختصروا على أنفسهم الوقت والجهد والمحبة والالفة .. و أقتدوا بتعاليم الدين الاسلامي السمحة ..

وأنا طولت عليك بارك الله فيك
أرجوك لا عاد تختمين مشاركاتك بهالعبارة .. إنت مكسب ..
وأنا أعتبر وجودك في هاذا المنتدى أكبر وأغلى هدية لنا من عند الله سبحانه وتعالى الله يحفظك
أحرجتيني .. الله يخليك و يسعدك ..
ويخليك لعين ترجيك أسأل الله أن يهديك حياة سعيده ويرزقك
ماتصبو إليه نفسك وما يتمناه قلبك يا أم داليا أحبك في الله
أحبك الله الذي أحببتني فيه ..
وأستودعك الله الذي لاتضيع ودائعه .


‏ ‏