معلييييه ..
كنت في حالة الله العالم به .. يمكن كثرة الضغوطات ..؟؟؟

- مرض أمي ، و يوميا تتألم .. و صايرة عصبية و تنتقد كل حركة و كل شئ و تجرح .. و كل كلامها عن الموت ..
و أمسك حالي قدامها و ما أبين لها شئ .. و تتخيل إننا نكرهها و نبغى نتخلص و نرتاح منها ؟
فلازم أخذ كل شئ بروح مرحة قدامها ..

- ولدي صاير مرررررة مزعج ، و لازم أتعامل معاه بطولة بال و صبر ..

- ماني مستقرة ، و لا حاسة بإستقلالية .. غير االمشاعر المختلطة بسبب تعودنا على الغربة و لخبطة ..

- اخر شئ ، زوجي و تغيره و مشاعري السلبية تجاهه ..

.
.


قريت الردود و بأكمل الباقي دحين ، و اليوم حسيت نفسي أحسن من قبل و الحمد لله ،.
بكيت اليوم بكاء ( حزن و ألم ) كأنه أحد مات لا سمح الله.. حسيت بشئ خرج من صدري و ماني عارفة أفسره ؟

.
.

بأقول - شئ - يمكن تضحكوا عليه .. ؟

أول مرة أكتشف إني - أحب زوجي - من خلال ردودكم ؟ ما أعرف ليه ؟
كنت أحسب نفسي ما أحبه و إني مجرد بأضحك على نفسي ..
و إني عايشة معاه بس عشانه و عشان ما أحب أزعل أحد .. و إنه شخص طيب و حنون و يستاهل كل خير ..
كنت أحسب إني مجرد تعودت على وجوده في حياتي .. فلازم أخلي حياتي حلوة معاه و أرضى بالواقع و القدر ؟

بس من جد و من غير ما أكذب .. اكتشفت منكم أكثر .. و رجعت أقرى كلامي من جديد ..
كنت في حالة شك و لخبطة .. بس كنت أتجاهل مشاعري عشان تمشي المركبة ..
كنت ما أعرف أفسر شعوري تجاهه ؟ هل هي مجرد رحمة ؟ مجرد شفقة ؟ مجرد تعوّد ؟ مجرد انسان ربي كتبه لي ؟

مع إنه أمي دايما تقول - إنتوا مرة مناسبين لبعض - .. بس ما كنت أخذ كلامها بشكل جدي ؟
و أختي قالت لي أمس .. إنت تحبي زوجك ، و الدليل إنك تغاري عليه ؟

.
.

الشئ هذا ، خلاني أبدأ أبرز ايجابياته .. مو أجبر نفسي إني أختلق ايجابيات ..؟؟؟ - لإنه هناك فرق -
و كلامي هنا عن سلبياته ، أحس مجرد ما إني فضفضت .. أحس إني رميت الرواسب اللي كانت مترسبة فوق بعضها ..

فأحس نفسي بديت أرتاح نسبياً .. و بديت أقدر أرتب أفكاري شوي ..
أمي سألتني ليه عيونك حمراء ؟ ضحكت عليها و قلت لها .. من كثر النوم ..


بس من جد ..
أحس إنه مرض أمي مررررررة مؤثر علي و ما أحاول أفكر فيه و أهرب منه، خاصة إنه وضعهاا أسوأ دحين ..

.
.

بأكمل الردود ، و من جدددد نورت لي أشياء كنت بحاجة لها و خاصة في ذا الوقت ..