أختي الحزينة والله حزنت عليك اسأل الله ان يصلح زوجك وَ أن لا يبقي في صدرك أمنية إلا بلّغك أعظم منها
شوفي الله يسعدك يمكن ظروف زوجك المادية فعلاً صعبه وَ هو موفر الفلوس للحاجات الأساسية لا تستعجلين وتحكمين عليه بالبخل من هذا الباب والسيراميك مو مشكلة تقدري تحطيه بأي وقت لما تتزوجي وَ انت حاولي تتقربين له أكثر شوفي إيش اللي بداخله وَ بيني له انك مقدرة ظروفه وَ هو ليه ضاغط نفسه مو عشانك شكليات الزواج وَ الأثاث كلها مو ضرورية كثر شخصيته هو وأخلاقه طبعاً انا مااقصد انك ترضين بأي شي مبهذل ولكن لا تستعجلين وكل شي يجي بالهون وبيت أهلك غير عن بيت زوجك ولا تقارنين أبد و كل اللي احب انبهك له انك تقربين للإنسان اللي أخترتيه أكسبي شخصه وَ بعدها توصلين لأي شي تبين والرسول عليه الصلاة والسلام يقول : "تهادوا تحابوا" إن ما بآن أثر الهدية اليوم يبان بكرة بس انتِ أدعي الله بأن يسخر لك زوجك وَ فيه حاجة ضرورية ضرورية لكل بنت الزواج مودة ورحمة وَ عطاء لا تقولين انا اهديت وهو لا ترى بعض الرجال وخاصة في مجتمعنا ما تعودوا على اسلوب الهدايا والرومانسيات فأنتِ حاولي تكسبينه وهو مصيره يفهم وبرضه فيه رجال يتأثروا بكلام اصحابهم وَ أهلهم من ناحيه الزوجة وانت حاولي تبين له انك عكس اللي هم يقولونه ..
بنت اختي اول ما تملكت خطيبها كان شوي دفش معها وَ يصرخ عليها وهي تضايقت وقالت له ليه تعاملني كذا وبعد فترة هو من نفسه ندم وَ تغير للأفضل وقالها انا بصراحه كنت أطبق نصايح أصحابي بأنه لا تعطي الحرمة وجه ..!
دعواتي لك بالتوفيق والسعادة
__________________
تعلمت انه لا يمكنك أن تقنع كل الناس مهما كنت مقنعاً