طلبتي الجواب يكون من شخصيتنا وبكتب لك من شخصيتي لكن حطي ببالك انه كل شخصية تختلف عن الثانية سواء شخصية الزوج أو الزوجة وكل زواج وله ظروفه .
بالنسبة لي زوجي حقرني لما تمسكت فيه وخفت من الطلاق .. ورحمني لما أنا طلبت الطلاق ولو انه لفترة مؤقته ورجع بعدها مو مثل أول لكن قريب منه .
طبعا هذا بسبب ظروف زواجنا ...عمر زواجنا كبير ... الطلاق غير وارد حتى لو أردناه أنا واياه لأسباب كثيرة .
فبالتالي كان طلبي للطلاق مجرد رسالة له اني وصلت حدي من الصبر .
طبعا ممكن زوج غير زوجي تاخذه الحمية وعزة النفس ويطلق زوجته لو طلبتها منه حتى لو ما كان ناوي يطلق .
انا قرأت مشكلتك وما شاركت لأنه ما كان عندي لك حل أفيدك فيه لكن أنصحك هنا انك بدل ما تطلبي الطلاق من زوجك انك على الأقل لا تظهري له خوفك عند تهديده لك ... لا تتحديه لكن لا تظهري رعبك من الطلاق ..قولي له ...الامان عند الله ...تبي تطلق أو لأ بكيفك ..في رب يرزق الطيور اللي طايره . وانا ماغلطت غلط يستاهل طلاق ..يعني ضميري مرتاح .. تكلمي بهدوء أعصاب حتى يفهم انك جاده .. استمدي الهدوء من فكرة انه زوجك قاعد يستفزك أو يعاقبك بكلامه وما يقصد الطلاق عن جد . انما ماسك الشغلة هذي لانه شاف انها تخوفك ولما يشوف انك مو خايفه ما راح يعيدها لانها ما جابت نتيجة ..
توكلي على الله ... وقولي دعاء الاستخارة بسرك خلال كلام زوجك وقبل ما تبدئي كلامك ..
الجئي لله وادعيه واطلبي منه يوفق ما بينكم ويحنن قلبه عليكي
ونصيحة ثانية أتمنى تتقبليها مني وانتي بمقام بنتي .... حبيبتي ابعدي عن المعرفات المثيرة للجنس الاخر ... منتدانا والحمد لله محافظ لكن مو كل المنتديات ومو كل النت مثل هنا ... ليه تجيبي لنفسك وجع الراس 
..أنا متأكدة من سلامة نيتك وبراءتك لكن ما تضمني اللي يقرأ .
ربي ييسر أمرك ويحنن قلب زوجك عليكي
__________________
التعديل الأخير تم بواسطة خاله بيتا ; 16-02-2011 الساعة 09:21 AM