هههههههههههه
نورين أضحك الله سنك وأسعد الله قلبك من جد ردك يضحك ماقدرت أمسك نفسي وأنا أقرأ إبني شافني أ كركر وأضحك
جاني ركض هاه أمي وش فيك تضحكين وش فيه وش قريتي بالنت وضحكتي و يحن يحن على راسي حتى صرفته بنكته
المهم إذا كان السؤال موجه للجنسين فأنا تزوجت وعمري 14سنه وزوجي ماشي في 27 سنه بس للأسف ماوصل عمري 17 سنه إلا راس زوجي ودقنه نصها شيب طلعت الشيب في راسه من خبالي وأتوقع مانطقت كلمة أحبك لزوجي ولاسمعها مني إلا وعمري واصل العشرين بس زوجي صبور جدا وبالنسبه لشئ إللي تزوجت وماسويته أتوقع إن طفولتي كملتها عند زوجي بشكل أفضل لأني كنت ألقي أوامر بس وهو سمع وطاعه
والشي إللي أنحرمت منه بعد الزواج ما أتوقع إن المرأة تنحرم من شئ بعد الزواج إلا بالعكس تحصل على كل شئ تريده ونفسها فيه سوى طلعات تمشيات على كيفها وتتسوق على كيفها وتروح وتجي عند إللي تبي بموافقة زوجها بس مو مثل أبوها وإخوانها يضيقون عليها الخناق بالطلعه واللبس في بيت زوجها تلبس وتكشخ باللي تبغى من ملابس على كيفها ما أحد يقول لها هاذا عاري هاذا ضيق هاذا كذا وهاذا كذا تنام متى ماتبغى تصحى متى ماتبغى مو مثل بيت الأهل نظام في النوم نظام في الأكل الساعه عشره بالكثير كل واحد على سريره طبعا هاذا مثال الأسر الصارمه في قوانينها
والمحافظه على أبنائها .
وآخر شئ إللي يبغى الإستقرار والراحة النفسيه والإحساس بالأمان ماله غير يتززززززو ج
الزواج فيه فوائد عظيمه أول شئ يعفك عن الحرام ثاني شئ تلقى لك حرمه تشاركك أفراحك وأحزانك و تشاركك في أمور الحياة ثالث شئ تخلف عيال وأنت باقي بصحتك وحيويتك ونشاطك وتكون قادر على تربيتهم ورعايتهم ومتابعتهم في سن مراهقتهم
تجيب لك عيال وأنت بعز شبابك يناديك يابوي مو يشوف الشيب براسك يناديك ياجدو لأنك تزوجت أمه وأنجبته على كبر
ولما يكبر يشوفك شايب كهل قد خط الزمن على وجنتيه وشاب الشعر منك أحسن شئ الواحد يتزوج وهو في حيويته و نشاطه
حتى يشوف عياله وعيال عياله بدون نظارات وطقم أسنان وعكاز الله يصلحكم ياشباب المسلمين ويهديكم لمافيه الخير والصلاح .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله