السلام عليكم ورحمه الله وبركاته

اخواتي الغاليات في منتدي الاسرة والمجتمع

جزاكم الله كل خير

انا عندي مشاكل وليست مشكله ولكن الحمدلله قدر الله وماشاء الله فعل

انا عمري 30 سنه ومطلقه اكثر من مرة والحمدلله راضيه بقسمتي ونصيبي
بدت مشاكلي مع اهلي من يوم تطلقت للمرة الثانيه


امي تغيرت عليه في المعامله صارت جدا قاسيه وتعاملني بجفاه ومرات تقلل من قيمتي قدام اخواتي
وتهينني بكلامها الجارح في البدايه كنت استحمل لكن للاسف لم تراعي شعوري
وبعدها اتبعت معاها اسلوب حاد في النقاش كنت بالبدايه اسكت واصبر
وبعدها لمن تهينني وتجرحني بكلامها ارد عليها لكن باسلوب احترام

تعبت من معاملتها وتجاهلها لوجودي في البيت وتعاملني كالخدامه واجبني فقط اشتغل
غير كذا مالي اي حق اطالبه يعلم الله حرمتني من اشياء كثيرة وفرق بيني وبين ابوي
توصله له كلام ماقلته بلساني

والمصيبه الاكبر تكره جلوسي عند ابوي ومرات اشعر بالغيرة لااهتمام ابوي فيني اكثر منها
لاني انا اللى اهتم في ابوي بكل متطلباته من ملابسه واغراضه واكله وشربه وكل شي
وهو الله يحفظه تعود عليه واعتمد عليه بكل شي وامي كانت فترة مشغوله بامها
وتركت ابي لي من يوم تطلقت وتفرقت له

يوم توفت امها رجعت للبيت ولكن ابوي خلاص وقتها معتمد عليه بكل شي
ومعاد يطلب منها شي وحتي لو هي تبدا يحرجها بعفويه يقول لها خلاص اتركي كل شي بنتي تعرف كل شي ابغاه ماتقصر معاي مريحتني

الفترة الاخيرة زادت غيرتها وتحاول تفرق بيني وبين ابوي
انا والله احبها ولها مكانتها بقلبي لكن صار فتوووووووووووور بيني وبينها من بعد طلاقي

انا سمعتها بأذني يوم تقول لابوي كلام غير صحيح عني انصدمت لكن ماقدرت اواجهها
لانها بتزيد المشاكل بيني وبينها وصبرت ومن بعدها ابوي تغير بالمعامله معايه
وصار جدآ قاسي وصار بس يهاوشني بسبب او بدون سبب
والله يحفظها اشوف الفرحه بوجهه يوم ابوي يهاوشني ويشتمني تنبسط


انا مشكلتي مقدر اتكلم ولا اصارح ابوي لانها بالنهايه هي امي
وابوي مستحيل يصدقني ويكذبها

حرمني من المصرف وحرمني من كل شي
وانا محتاجه دخل شهري

تعبت والله تعبت