صباح الخير
يا جماعة احس اني مو قادرة افهم عيال النعمة (ولا يزعلو مني المنعمين)
حاجات صغيرة وغبية يكبروها ويمكن يبكو من قلبهم عشانها
الاسبوع الي راح الدكتور غاب عن المحاضرة وماقال لنا
واضطرينا نقعد ف القاعة لحد نهاية الوقت لانو هوا قال لنا حتى لو تاخرت ماتخرجو
وحده من (بنات النعمة) اشوفها تبكي من قلبها
سالتها يا بنت الناس أيش الهرجة؟ مين مات؟
قال ايش، مو من حقو يسوي فينا كدا. تعبنا واحنا نستنى وهوا مرتاح ف بيتو! حرام والله حرام. وتبكي بشهيق. والكل متعاطف معاها ويهدّيها.

كلنا مقهورين وتعبنا. بس بكا! وبشهيق!
قسم بالله ماعرفت ايش اسوي
اضحك ف وجهها. اهزئها. اهزئهم كلهم
صرت اشك ف نفسي، هما كلهم غريبين والا انا لوحدي الغريبة

تتوقعو ايش الهرجة؟