منتدى عالم الأسرة والمجتمع - عرض مشاركة واحدة

21-02-2011, 05:38 AM

LoOoVe Eye

عضو جديد

تاريخ التسجيل: Feb 2011

المشاركات: 1

عقده نفسيه

بسم الله الرحمن الرحيم

اولا انا دي اول مشاركه ليا في المنتدى

تانيا دي اول مره اتكلم فيها عن المشكله دي

بس المشكله زادت عن حدها لدرجة تفوق القدرة على الاحتمال

المشكله هي عدم الثقه في النفس وبالاخص الشكل

رغم اني محرج من كتابة هذا الموضوع وبالاخص لاني ليست من عادتي اني اكتب عن مشكله تخصني شخصيا

مشكلتي غريبه جدا وغريبة الاطوار نابعه عن افكار سلبيه لا اساس لها من الصحه وانما هي نابعه عن افكار قديمه

المشكله اني دائم التفكير في النفس والشكل والذات

داشم التفكير في المظهر وهل هو جميل او لا لدرجة اني دائما ابص في المرايه باستمرار والعجيب مره مظهري وشكلي يعجبني ومره اخرى بعديها بفتره قصيره جدا لا يعجبني .!!!!

موسوس ممكن ........ شكاك اكيد ...... مش واثق ده اللي اكييييييييد اوي

تعبت واتخنقت وكرهت نفسي

الفكره مسيطره عليا بشكل غرييييييييب جدا جدا ......... رغم محاولاتي للسيطره عليها لكن لا فائده

جبت كتب وقرأت مقالات ومشكلات وبرضه مافيش فايده

بصراحه الموضوع زاد عن حده اوي .......... الموضوع ده خلاني اني انعزل مرات كتيره عن الاخرين باستمرار رغم حبي للاختلاط بالاخرين

الموضوع ده خلاني مش عارف اتكلم مع الناس لاني وانا بتكلم معاهم بفكر في ذاتي اللي هي المفروض في الوقت ده تكون في العقل اللاواعي

الموضوع ده خلاني والعياذ بالله غير راضي عن نفسي ...... شكاك بطريقه فظيعه ........ مره مظهري وشكلي يعجبني ومره مايعجبنيش ......... اما خلاص اتجننت وفقدت تركيزي

ايه الحل برأيكم ؟؟؟؟؟؟؟؟؟؟ ........ اروح دكتور ولا اعمل اييييييييييييييييييييه

رغم اني ميقن تمام الايقان ان المظهر ليس له علاقه بأي شيء وانا مظهري مش وحش والله بس دي افكار سلبيه نابعه من الصغر وكبرت مع الوقت ......... اتخيلو اني ممكن احلق شعري وبعديها بيومين اكتشف انها مش حلوة فأروح احلقه تاني وتالت .......... اتخيلو اني ممكن اسيب دقني واقول كده احسن ويعجبني الكلام وبعديها بيوووووم واحد اقول لا لا دي وحشه واحلقها وهكذا اما اتجننت ........ اتخيلو اني بخاف اطلع في الشمس كتير عشان ماسمرش .!!!!! ههههههههههههههههه ده انا كده اووووووووفر اوي ) ........... اما خلاص الفكره بقت مسيطره عليا ويمكن على اللي حواليا

رغم ان طبيعتي انسان حبوب جدا وخفيف الظل لكن والله اللي بيحصلي ده مش بيخليني على طبيعيتي في تعاملي مع الناس بسبب التفكير الواعي في الذات

اختي لاحظت كده وقالتلي والله انت مظهرك زي الفل ومش قادر اصدقها ......... الفكره سيطرت عليا اوي اوي لدرجة اني مش بصدق الا اللي بيقولو مظهرك مش حلو .......... رغم ان والله ناس كتير قالتلي مظهرك جمييييييل جدا

اعمل ايه انا وسوست .......... ايه رأيكم واسف على الاطاله ياجماعه واسف على عدم تنسيق وترتيب الافكار بس هي بتيجي مره واحده بقا

بس بصراحه حسيت براحه نفسيه اما فضفضت لاول مره في الموضوع ده

اخوكم في الاسلام .......... أسامه