اعرف جيدا ماتشعرين به وماكتبتيه ماهو الا بوح مشاعرك المتالمه ..
بااختصر لك قصة صديقه مقربه لي ..
... هي جميله ومتعلمه ومن عائله لها سمعه طيبه ..
قبل ماتتزوج كانت تعاني ماتعانينه ... واتعبتها اسئلة الناس ونظراتهم ..
ليش لين الحين ماتزوجتي ..؟
غريبه رغم انك حلوه واخلاق ماتزوجتي الى الان ..؟
يعنني بالعربي كانت راضيه وقانعه وعايشه حياتها ومو مهتمه لين الناس جننونها ..
بعدين انخطبت ... بداخلها ماكنت تحس انه زوج مناسب ولكن وافقت لـ 3 اسباب ..
1- رأت الفرحه بعيون امها ويااااااااكثر ماكانت تقول امها اتمنى بس قبل لا اموت اشوفك عروس
2- هروبها من نظرات وقسوة المجتمع عليها كونها لم تتزوج بعد ..
3- لانها اشتاقت ان تكون اما ...
وتزوجته فعلا ... لكن لله مااراد .. لم تكمل السنه وحياتها مشاكل في مشاكل ..
كانت نظرتها الداخليه له صحيحه .. الان تفكر بالانفصال عنه . وتقول ياليتني ماتزوجته ولا عشت
الالام والقهر اللي ذقتها عند اهله ..
لا تخلين ياقلبي قسوة المجتمع تحدك على سلوك خطا وان كان هدفك الزواج . كالعلاقات مثلا ..
لاتخلين هالقسوة تحدك على القبول باي رجل المهم اسكر افواه الناس ..
لاتخلين هالقسوه تعيشك بهم وغم وان فيك عيوب ونقص عن باقي البنات اللي تزوجوا ..
وياكثر اللي متزوجات وتغبط البنات اللي ماتزوجوا ..لاهم ولاغم ولاقهر ولا هواش ليل نهار ..
مايدمر انفسنا الا انفسنا الحياة ماوقفت على زواج او على طلاق ..
عيشي حياتك كما تحبين وادعي ربك في سجودتك ..