أختي ليه تسحبي نفسك من أهلك ؟؟
هم بمقام أهلك الآن مهما حصل من الأهل يتحملهم الإنسان ، عندنا مثل من ديرتنا يقول ( أهلي ولو ضربوا ظهري ) ، لا تتجاهلينهم وتقطعينهم ، اللي سويتيه قطيعه بمعنى الكلمه من العيد إلى الآن ما شفتيهم ؟؟
وش يكون شعورك لو من العيد إلى الآن ما شفتي أهلك وانتي وهم في مدينة وحده ؟؟
أكيد بيقولون زوجها مانعها ، لاتخلين زوجك في موقف محرج مع أهله ، مهما حصل منهم غضي الطرف وارمي وراك وانسي بادريهم بالمعروف والإحسان مهما أساءوا لك وانتي تعرفين تعاليم ديننا الإسلامي وتوصياته على صلة الرحم ونبذ القطيعه مافي داعي أخبرك أنتي عاقلة وفاهمه ،، لا يجي يوم ويكون هذا التصرف من زوجة ولدك أو زوج بنتك ( كما تدين تدان ) ، حياتنا قصيييرة في هالدنيا والله العظيم ما تسوى بعض التصرفات اللي نسويها كبري عقلك وخليك أحسن منهم خليك على طبعك الطيب اللي عرفوه منك لاتتغيرين أبداً عشان ربك سبحانه وتعالى ـ مو علشان خلقه ـ اللي بينك وبين ربك أكبر من انك تفسديه بسبب نفوس تغيرت هم لهم رب يحاسبهم على معاملتهم لك ( إدفع بالتي هي أحسن ) خليك عند الله وعند الناس أفضل منهم ـ والله يكتب لك كل خير ..
جزاك الله خير اختي اتبعت نصيحتك والحمدالله مرات على خير وارتحت من تنيب الضمير===