غاليتي تصدقي تزوجت وانا صغيرة عمري 13سنة بس ماسكنت واستقريت في بيت لوحدي الا بعد 3سنوات,,,
المهم انتي يجيك طفل واحد وانا بصراحة اعتبر فاقد الام يتيم يعني معروفك معاه لك فيه اجر والله الاطفال يحسوا اذا في احد متضايق منهم او يكرههم وتبقى في ذاكرته,,,
المهم اللي باقوله لك اني انا كان كل اولاد اخو زوجي الكبير 5 بنتين وثلاث اولاد بالاضافة الى اخوه وكان اكبرهم عمره 9سنوات كان كل وقتهم عندي والله مايرجعوا بيوتهم الا وقت النوم وامهاتهم موجودين وحتى لانهم اطفال وبسبب مشاكل كانت بيني وبين اهل زوجي كانوا يحرشوهم يضايقوني ويوسخوا في بيتي حتى وانتي بكرامة في حوش البيت القاهم يقضوا حاجتهم ويرموا عليا وعلى اولادي حجار وبالرغم من ذا كله كنت اصبر واقول مصيرهم يكبروا ماراح اكرهم فيني هم مهما كان اطفال ويتصرفوا بعفوية ولما يجوا عندي والله العظيم اني اكرمهم والعبهم مع عيالي واسوي لهم حلويات وكانوا يحبوا يتفرجوا عندي عالتلفزيون لان في بيوتهم ماعندهم بحكم اننا في قرية ...
والحين ماشاء الله صاروا شباب والبنات صاروا صبايا والاولاد صرت اتغطى منهم ومنهم اللي متزوج الحين وعندوا عيال والله انهم يحترموني اكثر وحدة في القرية ويحبوني ومايرضوا عليا ابدا ودايما البنات يقولوا لي والله لو نعتذر منك العمر كله على اللي كان نسويه فيك مانوفيك (اعترفولي بعد ماكبروا انهم كانوا محرشين هههههه)
يعني حبيبتي اعطفي على هذا اليتيم مصيروا كم سنة ويكبر ويصير مو محرم عليك ومين يدري يمكن يكبر يتزوج وحدة من بناتك في يوم من الايام هههههه
وكمان خلي في بالك ان الدنيا دوارة وماحد ضامن عمره تخيلي مجرد تخيل ان واحد من اولادك في مكانه وان ولدك يرتاح يجلس عند وحدة وهي مو طايقاه ومتضايقة منه اسال الله ان يحنن قلبك عليه يارب واسفة عالاطالة...