ازيكم يا قمرات
نعومة ان شاء الله خير و يكون خبر حملك هو الخبر اللى يفرح قلوبنا اللى اتملت هم و نكد من الاحداث المتتالية
ربنا يفرح قلبك و قلوبنا كلها معاكى يا رب
دودى بجد عارفة عملتى فيا ايه
حسيت ان قلبى نزل و رجع فى مكانه فى ثانية
كنت مستنية نتيجة تحليل الدم و قلت خلاص الله اكبر و فى نفس الوقت اللى بقرا و الفرحة مالية قلبى و فى نفس الوقت اللى حزنت فيه
فعشان كدة بقولك قلبى حسيته اتحرك من مكانه و رجع فى نفس اللحظة
ربنا يكرمك و يفرح قلبك يا رب
بس برضو انا رايى من راى زهور حاسة خطواتك ضعيفة مافيهاش همة
"اسعى يا عبد و انا اسعى معاك"
ربنا يوفقك يا سكرة
زهورة مافيش اى حد اعرفه الا و هو مهموم بليبيا
بصراحة انا مش فاكرة انى مرة اهتميت باى مشكلة لاى بلد غير مصر الا طبعا مشكلة فلسطين يمكن عشان الاعلام عندنا مش مهتم غير بالشأن المصرى بس
مش عارفة
بس انا مركزة جامد مع ليبيا و مع اليمن و مع البحرين
و تقريبا باقى البلاد العربية جاية فى السكة
ربنا يسترها علينا كلنا بأذن الله
اما عن اخبارى اول يوم لوحدى مع الولاد كان يوم بدون تعليق
كنت مش عارفة اشتكى من ايه بالظبط
عارفين لما حد يلطشكم على وشكم ورا بعض ورا بعض و تبقو مش عارفين تركزو هو فى ايه
انا كنت كدة
عملت الغدا الساعة 6 مساء و طول اليوم قاعدة بحرس القوات مش بتحرك من جنبهم
بس بعد كدة الحمد لله بقت الدنيا احسن شوية
سلمى الف سلامة عليكى
ربنا حيقويكى ان شاء الله متقلقيش عمره ما حيعملنا اى حاجة وحشة
ارحم الراحمين
باقى البنات بحبكم فى الله
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة
التعديل الأخير تم بواسطة kokar_2001 ; 24-02-2011 الساعة 12:25 PM