شوفي يا اختي رغم اني قليل ما ارد والدليل شوفي عدد مشاركاتي مقارنه بوقت اشتراكي..لكن حسيت موضوعك لااازم ارد فيه وكل يوم ااجل لاني ابي ارد وانا مروقه مابي اكتب لك كلمتين واطلع والحمدلله انهم رجعو فتحوه..
انا بصراحه تضايقت من الردود اللي جتك من قبل.. يعني جزاهم الله الف خير يبون يريحونك لكن انا ما اشوف انه صحيح اني اريحك باني اقولك ترا ماعندك مشكله ابدا وانسي الموضوع !! يعني كيف زوجك يتواصل معاها ومسجات ومكالمات بشكل مستمر واقولك غضي الطرف وانسي وما عندك مشكله!!
يعني صحيح زوجك من كلامك باين انه محترم ورزين ورجال لكن هذا ما يمنع انه يغلط وما يعفيه من حقك بالصراحه والوضوح معك !! يعني استغرب من اللي قالو زوجك نادر الوجود واحمدي ربك وانسي الموضوع!! زوجك ما شاء الله انسان رائع لكن فيه زيه كثير الحمدلله وماهو نادر الوجود!! حسستوني اني عايشه بغابه بصراحه؟ يعني الرجال الطيب والمحترم مع زوجته وعياله ويهتم فيهم صار نادر الوجود؟ لا انا اسفه ما اتفق مع هالمقوله
انتي الحمدلله عايشه بنعمه مع هالرجال لكن برضوه من حقك تعرفين كل شي بالتفصيل ومن حقك تفهمين وش سر هالعلاقه اللي بينهم ومن حقك ترفضينها!! مهما كان الرجال محترم وملتزم ويحبك ترا ممكن يحب غيرك وياما ناس ادين واعقل منه وغلطو!! والنساء كيدهن عظيم!!
شوفي انا مادري بالضبط كيف تحلين مشكله هالغموض لكن انا اشوف بما انكم مرررة متحمسين للبيت الجديد وزوجك حاس بهالشي والدليل انه كل ما حس انك متضايقه قعد يسولف لك عن البيت الجديد عشان يوسع صدرك.. استغلي هالنقطه عشان يحس قد ايش الموضوع مهم ومنكد عليك حياتك..
انا اقترح انك تقولين له خلاص ما نبي البيت الجديد عطها فلوسها وخل نفتك .. حتى لو انتي مو جاده بس عشان يستوعب قد ايش الموضوع معذبك وانك عندك استعداد تتنازلين عن البيت الجديد مقابل الفكة منها
قولي احبلي الضيق والكسافه ولا اعاني منها سنين .. بيني له انك جاده جدا جدا وانك مستعده تتنازلين عن اي شي مقابل الراحه منها وانه حياتك نكد بسببها.. وبيني له انه مهما شرح لك انه مافيه شي بينهم انك ما بتتهنين بحياتك.. قولي انا اشوف كوابيس واتعذب ليل نهار لهالدرجة راحتي ما تسوا عندك؟ هالبيت الضيق احبلي مليون مرة من بيت واسع مع نكد وضيقه صدر وكوابيس! بيني له ان الموضوع ابد مب سهل وانا ضد كل من قالك طنشي الموضوع
الموضوع مب سهل ابدا ويبيله وقفه حازمه.. الله يوفقك وعلميني وش يصير معاك
__________________
التعديل الأخير تم بواسطة البحلة بالنفس ; 27-02-2011 الساعة 02:00 AM