ابدا ما اشجعك تدخلين لا اهلك ولا اهله بالموضوع وتصرفاتك من وجهة نظري صح..
انا هدفي انه يوصل زوجك قد ايش الموضوع مقلقك.. وان كلماته لك ما تكفي انك تنسين الموضوع وكانت فكرة البيت لهالغرض ولكن مانفعت فخلينا نفكر بشي ثاني لانه زوجك ماهو مستوعب قد ايش الموضوع كبير بالنسبه لك ومتوقع فتره وتعدي وتتعودين لكن حنا نبغاه يعرف انه الموضوع مرة متعب نفسيتك..
انا ماعرف تفاصيل حياتك.. وماعرف الا موضوع البيت.. لذلك اقترح تقولينله اعرض البيت للبيع وسدد لها الدين وشوفي وش يقول وبيني له انك مستعده تتنازلين عن اي شي مقابل الراحه منها.. او انتي فكري وش فيه شي لو سويتيه مقابل الفكه منها رح يتفاجأ زوجك.. يمكن زوجك يشوفك تنازلتي عن شي مرة نفسك فيه وينصدم ويرحمك ويقول في نفسه مادريت ان الموضوع متعبها لدرجة انها مستعده تتنازل عن هالشي مقابل الراحه منها !!
عزيزتي انتي انسانه حكيمه ما شاء الله عليك وعارفه ان حتى لو دخلتي اهلك ولا اهله ما بيتغير شي بالعكس بيتعقد الموضوع ومسألة الطلاق ماهي حل ابدا انتي بالعكس كانك تقدمين لها زوجك على طبق من ذهب..
الهدف انه زوجك يعرف انك ما بترتاحين في حياتك الا اذا هو حسم موضوعها..
نصيحتي لا تفوتين موضوع المكالمات والمسجات لانه شكله فيه شوي ميانه بينهم والمفروض ما ترضين.. لو صار نقاش مستقبلي على ضوء الخطه اللي قلتها لك ضروري تفهمينه انه مهما قالك ارتاحي وتطمني مايفيد وانه لو حرمه غيرك كان لا يمكن سكتت كل هالفتره ورضت بالمكالمات والمسجات وانه رغم ثقتك الكبيرة فيه لكنك ماتثقين فيها ووش ممكن تسوي وهالشي مقلق راحتك ومخرب حياتك..
زوجك انسان طيب ويحبك وبعد ما يشوف وش سويتي ووش قلتي ماتوقع انك بتهونين عليه..
__________________
التعديل الأخير تم بواسطة البحلة بالنفس ; 28-02-2011 الساعة 06:54 AM