عجبتني ردودكم بهالمنتدي وحبيت اروي قصتي
اولا انا من السودان .. وحاليا عمري 21 سنه
لما كان عمري 14 سنه كنت منقبه ولما كنت بروح صلاة التراويح
امام (شيخ) المسجد انتبه عليا واجي لاهلي وقال عاوز يتزوجني (انا امي ملتزمه)
وطبعا هوا شيخ معروف وحافظ القرأن وكان عمرو 26 سنه امي قالت ناخد بحديث الرسول صلي الله عليه وسلم (ان اتاكم رجل ذو خلق ودين فزوجوة) .. ووافقت امي وانا بطبعي كنت مع امي في اي شي تقولو وبحياتي ماعرضتها مع اني كنت خايفه بس هيا اقنعتني وقالتلي كده احسنلك .. طبعا مافي حد وافق من العائله بابا كان رافض واخواني واخواتي وخيلاني كمان .. بس امي شخصيتها قوية وكانت كلمتها الاقوي ..
المهم
اتخطبنا .. وماحصل خرجنا مع بعض .. ومابنتكلم لوحدنا لما يجي بتكون امي معانا .. كل كلامنا الخاص كان رسائل علي ورق بنتبادلها مع بعض .. صراحة هوا كان بيكتبلي كلام مش لائق كتير بس انا كان ببالي انو عادي لانو خطيبي ولانو شيخ اكيد بيفهم يعني
هوا ماكنش عندو بيت يسكن فيه كان ساكن بغرفه داخل المسجد .. وطلب من امي نستعجل بالزواج وامي وافقت بس بشرط يكون زواج بدون دخله يعني مجرد عقد .. علشان يقدر يجي ويروح براحتو من البيت .. واتزوجنا بعد 3 شهور من الخطوبه .. وهوا قال عاوز يسكن معانا لانو مش حلو بحقنا انو يواصل يعيش في المسجد بعد مااحنا بقينا اهلو .. طبعا احنا شفنا اهلو بس يوم الزواج همي بمدينة تانيه اجو حضرو الزواج وطلبو نفس الطلب قالو لامي تسكن ابنهم عندنا لغاية مانتم الزواج علشان مايعيش لوحدو
امي وافقت وفرشنا غرفه ليه داخل البيت (طبعا لاتستغربو ده بيحصل كتيير هنا في السودان)
طبعا انا كنت بخاف منو كتييييييير مابعرف ليه بس كده وماكنت بحب اقرب منو .. بس امي كانت دايما تطلب مني اوديلو العشا واقعد اكل معاه ..
اول ايامات كان كويس .. بس بعد فترة ابتدا يلح عليا انام معاه (وانا والله العظيم وقتها كنت جاهله بكتير اموور) .. كنت برفض وبطلع بسررعه من الغرفه .. مع مرور الايام بيقنعني اكتر لحد ماجا يوم ووافقت وقلتلو بقعد معك نسهر وبس ...
بس مع الاسف كانت اسوأ ليلة بحياتي حصل مع زيي اللي بيحصل بالافلام .. انا كنت ضئيلة الحجم وهوا كان ماشا الله شاب قوي .. علي قد مااقول اني بكيت بذالك اليوم بكون قصرت .. كل وحده زوجها اغتصبها هتفهم شعوري حاليا .. مع فرق اني كنت صغيييرة وماكنتش فاهمه اووي اللي بيحصلي .. وكنت ببكي وبطلب منو يوقف بس ماقدرت .. وماقدرت اصرخ ولا ااعمل اي شي .. وبعديها قالي خلاص قومي روحي رحت لاختي بغرفتها وبكيييت لها بكي حرررررررررقة والم .. بس مافهمتها كل اللي حصل مع العلم انو اختي اكبر مني .. قلتها انو حاول يعمل معي شي بس كنت خجلانه اوصف لحد اللي حصل معي .. ومن يومها وانا بكرررررررررررره هالشخص طوووول حياتي .. طبعا تعاملي معو اتغير انا كنت برتعب منو وبخااااااااف ماكنتش قادرة استحمل شوفتو هوا حتي ماحاول يعتذر مني .. كان بيهددني اذا امي عرفت انها حتطردني من البيت ووقتها مش حيبقالي غيرو هوا .. وكنت ساكته ماقدررت احكي لامي شي وبعد فترة قصيرة مرض والدو واضطر يسافر انا ماودعتو صراحة اتخبيت تحت بطانيتي وكنت ببكي من الفرحه انو هيسافر .. اتمنيت انو يموت في الطريق ومايرجع تاني .. ومجرد ماسافر قومت الدنيا في البيت وكنت بصرررررخ قلت لامي لاااااااازم تطلقيني من هالشاب مهما كان .. وامي بتقولي الود تعاملو كويس واخلاق ... الخ .. استنجدت ب بابا قلتلو لااازم تطلقني منو اتصلت بخالي كمان واجا خالي وكل اللي كانو معارضين الزواج .. وقفو معي .. واتصلت فيه وماسالت من ابوه حتي .. قلتلو اخيرا هتغووووووور من حياتي وجاتني شجاعه قلتلو غصبا عنك هتطلقني .. وكل اهلي وقفو معي .. واتطلقت بعد 3 شهور زواج بس .. كلهم بيقولو كويس انك اطلقتي قبل مايحصل بينكم شي (والله هوا الاعلم باللي بخبيه بقلبي من الم )
حياتي بالنسبه ليا متل الكابوس بس كنت صابرة .. ومن وقتها بيتقدمولي شيوخ صراحة انا برررررررتعب منهم .. والله اني نزعت النقاب علشان مافي شيخ يتقدملي تاني .. دلوقتي انا محجبه لبسي كلو عبايات .. بس ماقدرت اكمل في النقاب لانو المنقبه عندنا بيتقدمولها دايما شيوخ .. مش بنتقد الشيوخ بس انا لحاجه فيني بخاف منهم
دلوقتي انا بسنه رابعه جامعه كملت حياتي ودراستي حتي بالجامعه مافي حد بيعرف اني مطلقه (طبعا زوجي السابق اتزوج ودلوقتي عندو بنت) .. بس انا مش قادرة اتزوج .. حتي انو اتقدملي ابن عمي ورفضتو قلتلو عاوزة اكمل دراستي (بس مش دراستي هيا المانع خوفي اللي مانعني).. كل اللي حيتقدملي حيفتكر اني لسه ماحدش لمسني .. وبخاف حد يتزوجني ويلاقيني مش عذراء ويطلقني .. وبنفس الوقت مش قادرة اقول للناس انو في شي حصل بيني انا وزوجي الاول ... هالشي كان سر بيني وبين نفسي كل السنين دي ومش لاقيه حل مابعرف اعمل ايه .. لامتي حارفض ...
انصحوني...